सिनेमाहलबाट ब्याक भएको फिल्म ‘बुलाकी’को गीत रिलिज

बैशाख १ गतेबाट रिलिजमा आएको चलचित्र ‘बुलाकी’ का निर्माताले आफ्नो फिल्म माथि शो दिनमा भेदभाव भएको भन्दै फिल्म हलबाट फिर्ता लिएका छन । फिल्म अब अनिस्चितकाल सम्मको लागी प्रदर्शन स्थगित भएको छ । प्रदर्शनको दोस्रो दिनबाटै देशभरका मल्टीप्लेक्सहरुमा ७० प्रतिशत शोज कटौती गरिएको, कुबेला (अफटाइम) शोज दिइएको, मोफसलका मुख्य स्टेशनमा एउटै शो नदिएको आदि कारण देखाउँदै निर्माता विष्टले फिल्म उतार्ने घोषणा गरेका हुन् ।

फिल्म ‘बुलाकी’को गीत ‘यो खास्टो मायाको’ बोलको गीत पनि रिलिज भएको छ । शनिबार इन्टरनेटमा रिलिज गरिएको गीतमा अभिनेत्री सुरक्षा पन्त र डेव्यु अभिनेता बिराज बिष्टलाई रोमान्टिक अवतारमा फिचर्ड गरिएको छ ।सार्वजनिक गीतमा श्रीकृष्ण बम मल्लको शब्द तथा संगीत र शिव परियार र प्रविसा अधिकारीको स्वर सुन्न सकिन्छ । डोल्पाका रमणीय स्थानमा खिचिएको गीतमा निर्देशक लक्ष्मण सुनारको कोरियोग्राफी रहेको छ । गीतको भिडियो र अडियो औषत बनेको छ । प्रदर्शनको पहिलो दिन राम्रो ब्यापार गरेको सिनेमाले दोस्रो दिन शनिबारको व्यापार औषत छ ।

सिनेमा ‘बुलाकी’मा कर्णालीको ग्रामीण जीवन, रितिरिवाज, जारी प्रथा तथा परिवार र सम्बन्धमा आउने आरोह अबरोहलाई प्रस्तुत गरिएको छ । रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, धनवहादर राई, लक्ष्मण देवकोटा, बसन्त उदास, सोनु सेढाइका अलवा प्रकाश कँडेल र सरस्वती खत्रीले ‘बुलाकी’बाट नेपाली सिनेमा क्षेत्रमा डेव्यु गर्दैछन् ।छत्रेश्वरी म्यानेजमेन्टको ब्यानरमा स्व.मोति बिष्टको प्रस्तुति रहेको सिनेमा शिब ढकालले खिचेका हुन् । अर्जुन जिसीले सम्पादन गरेको सिनेमामा राज बहादुर सानेको कथा, राजबहादुर साने, निर्मल पौडेल र निर्देशक सुनार तथा अभिनेता बिष्ट पटकथा तथा संवाद रहेको छ ।लक्ष्मण सुनारको निर्देशन रहेको सिनेमाको छायांकन डोल्पा, जाजारकोट र रुकुम पश्चिमका रमणीय स्थानमा खिचिएका छ । यो निर्देशक सुनारको डेव्यु निर्देशकिय सिनेमा हो । सिनेमाको बितरण त्रिनेत्रन् र एफडी गर्दैछन् ।