‘जारी’ हेर्न लिम्बु ड्रेसमा युवतीहरु (भिडियो सहित )

बहुप्रतिक्षित चलचित्र जारी आजबाट रिलिज भएकोछ । टिजर गीत , ट्रेलर रिलिज भएदेखीनै दर्शकको ब्यग्र प्रतिक्षा रहेको ‘जारी’ रिलिज को केही दिनमा हाउसफुल बुकिङ गरेर ईतिहास नै रचेको थियो , दर्शकको माग अनुसार धरानमा बिहान ६:४५ देखीनै फिल्म शो शुरु भयो अनी राती ११:३० को शो पनि दर्शकको माग अनुसारनै शो दिएको फ्रेण्ड्स सिनेमा धरानका म्यानेजर सन्देश घिमिरे बताउछन । यस्तै अर्को गज्जबको कुरा के छ भने बिर्तामोड QFX का म्यानेजर केदार बस्नेतले जारी फिल्म लिम्बु संस्कृतिमा आधारित रहेकोले फिल्म रिलिज को अघिल्लो दिन अर्थात शुक्रबार जारी हेर्न आउने दर्शकलाई लिम्बु भेषभुषामा आईदिन आग्रहनै गरे । सोही आग्रह अनुसार शुक्रबारको पहिलो शो मा केही लिम्बु युवतीहरु लिम्बु भेषभुषामा सजिएर फिल्म हेर्न आए । यो दृश्य देख्दा आफुलाई धेरै खुशी लागेको र आफ्नो देशको माटो सुहाउदा फिल्म बन्दा दर्शकको माया र सम्मान पाइदो रहेछ खुशीको सिमा रहेन बस्नेतले थपे । बस्नेतका अनुसार टिकट बुकिङ गर्ने गरिसकेका ग्रुपहरुपनी लिम्बु भेषभुषामा आउने जानकारी बचन दिएकाछन ।

नयाँ बर्षको अवसर पारेर आजबाट तीन चलचित्रहरु जारी , बिहे पास र बुलाकी प्रदर्शनमा आएका छन । यि तीन मध्य , जारी र बुलाकीले कथाको मुद्दा एउटै बोकेका छन भने जारी र बिहे पास दुबै चलचित्रमा दयाहाङ राई मुख्य भूमिकामा छन । सिनेमा हलहरुमा जारी ले उच्च शो पाउदा बुलाकी केही मात्र पाएकोछ । केहीदिन अघी बुलाकी प्रिमिएर शो मा आएका सांसद माननीय ज्ञानेन्द्र शाहीले बुलाकी यती राम्रो चलचित्र भएर पनि सिनेमाहलहरुले शो नदिएर भेदभाव गरेको मा आपत्ती जनाए । पुर्वमा बस्ने लिम्बुहरुको संस्कृतिमा आधारित भएर निर्माण गरेको नेपाली कथानक चलचित्र ‘जारी’ यतीबेला पुर्वका हलहरुमा हाउसफुलका साथ रिलिज भएकोछ । जारीमा एक लिम्बु परिवारको कथालाई प्रस्तुत गरिएको छ । असभ्य शब्द ‘जाठा’ को अत्यधिक प्रयोग गरिएको छ ।

चलचित्रको मुख्य कलाकार दयाहाङ राइले बोलेका हरेक डाइलगमा यो शब्द अत्यधिक प्रयोग गरिएको छ । भने दयाका बाबा प्रेम सुब्बा, लगायतले यो शब्दलाई गाउले भाषाकै रुपमा थेगो कै रुपमा प्रयोग गरेका छन । चलचित्रकी मुख्य कलाकार मिरुनालाई ‘जारी’ मा सशक्त्त भुमिकामा प्रस्तुत गरिएकोछ । दयाको जोडीको रुपमा देखिएको मिरुना श्रीमानको अत्याचार लाई निडर भएर सामना गरेकीछिन । बच्चा नहुँदा समाज र साथी भाईको अगाडी पनि गिल्लाको पत्र बनेकी मिरुनाले प्रतिकार गरेर दयालाई भनेको नामर्द शब्द बाट नै पारिवारिक झगडा सुरु भएको देखिन्छ । बासुरी फिल्म्स ब्यानरमा कबड्डी फेम्ड निर्देशक राम बाबु गुरुङले निर्माण गरेको ‘जारी’ मा उपेन्द्र सुब्बाको लेखन तथा निर्देशन रहेको छ । ‘जारी’ मा दयाहाङ र मिरुनासँगै विजय बराल, प्रेम सुब्बा , मनिता जैका बान्तवा , रोयदीप श्रेष्ठ, रेखा लिम्बु, कमलमणी नेपाल, पुष्कर गुरुङलगायत कलाकारको अभिनय छ।