कोशी प्रदेशमा ८ हजार १०९ जनामा डेङ्गु

पछील्लो समय डेङ्गु देशभरका ७४ जिल्लामा फैलिएको छ । इपिडिमियोलोजी तथा सरुवा रोग नियन्त्रण महाशाखाले बुधबार सार्वजनिक गरेको ७४ जिल्लाको डेङ्गु संक्रमितको संख्यालाई हेर्ने हो भने जम्मा देशभरि १० हजार ७२६ जना डेंगुका बिरामी देखिएका छन्। ७ प्रदेश मध्ये कोशी प्रदेशमा सङ्क्रमण बढेको पाइएको छ। कोशी प्रदेशमा ८ हजार १०९ जना डेङ्गु संक्रमित रहेको महाशाखाका निर्देशक डा रुद्रप्रसाद मरासनीले जानकारी दिए । यसैगरी सबैभन्दा धेरै डेङ्गु संक्रमित सुनसरी जिल्लामा रहेका छन । सुनसरीपछि मोरङ १ हजार ३४४, धादिङ १ हजार २७ जना, कास्की २२५ जना, धनकुटा २२३, दार्चुला १९२ जना, झापा १८२, काठमाडौँ १५१ जना‚ सङ्खुवासभा १४८ जना र तनहुँमा ७९ जना डेंगुका बिरामी भेटिएका छन्। नेपालमा पहिलोपटक सन् २००४ मा एक जनामा डेंगु देखिएको थियो।