दोस्रो यलम्वर रनिङ कपको उपाधि झुनाज फिटनेस धरानले चुम्यो

यलम्वर क्लवको आयोजनामा आयोजित दोस्रो यलम्वर रनिङ कपको उपाधि झुनाज फिटनेसले चुमेको छ ।विहिवार भएको प्रतिश्पर्धात्मक फाइनल खेलमा झुनाज फिटनेसले युवा जागृति क्लवलाई ६०–५२ अंकले पराजित गर्दै दोस्रो संस्करणको उपाधि माथि कव्जा जमाएको हो । खेलको पहिलो क्वाटरमा ९–१८ अंकको अन्तरले झुनाज फिटनेस पछि परेका थिए । दोस्रो र तेस्रो क्वाटरमा झुनाजले २०–१३ र १७–६ अंकको अग्रता वनाउदै खेलमा फर्किएका थिए । चौथो क्वाटरमा भने युवा जागृतिले १५–१४ अंकको अग्रता वनाएका थिए ।

झुनाज फिटनेस उपाधि संगै नगद ३० हजार, ट्रफि, मेडल र प्रमाणपत्र प्राप्त गरेका छन । यसै गरि उपविजेता युवा जागृति क्लवले नगद १५ हजार, ट्रफि, मेडल र प्रमाणपत्र प्राप्त गरे । यसैगरि प्रतियोगिताको उत्कृष्ट खेलाडि मोस्ट भ्यालुएवल प्लेयरको उपाधि झुनाज फिटनेसका सर्वोधन राई घोषित भए । उनले फाइनल खेलमा उत्कृष्ट प्रदर्शन गर्दै व्यक्तिगत २२ अंक समेत जोडेका थिए । उनले उपाधि संगै नगद २ हजार, ट्रफि र प्रमाणपत्र प्राप्त गरे । फाइनल म्याचको म्यान अफ द म्याच युवा जागृतिका कैलास लिम्वु घोषित भए । उनले नगद ५ सय, गिफ्ट ह्याम्पर र प्रमाणपत्र प्राप्त गरे ।

विजेता तथा उपविजेताहरुलाई कार्यक्रमका सभाध्यक्ष किरण लिम्वु, प्रमूख अतिथि कोशि प्रदेश माननिय विजयकुमार राई, सुनसरी बास्केटवल संघका अध्यक्ष नारायण सुवेदि, अग्रज पत्रकार एवं युवा नेता भिमज्वाला राई, नेपाल बास्केटवल संघ केन्द्रिय सदस्य रोशन राई, धरान ८ हङकङ समाजका सचिव भिम राई लगायतले पुरस्कार वितरण गरेका थिए ।माघ १८ गते देखि सुरु भएको प्रतियोगितामा ११ टिमले सहभागिता जनाएको थियो । यलम्वर खेल मैदानमा संपन्न प्रतियोगितामा सुनसरी बास्केटवल संघको प्राविधिक सहयोग रहेको थियो । पहिलो संस्करणमा आयोजक यलम्वर क्लवले उपाधि जितेका थिए भने तरहरा बास्केटवल टिम उपविजेता रहेको थियो ।