‘ चौथो मिस्टर कोशी’ चैत्र ३ र ४ गते

एलाइनेट जिम को २० औ प्रस्तुति चौथो मिस्टर कोसी खुल्ला शारिरीक सुगठन प्रतियोगिता २०७९ को तयारी पुरा भएको छ । प्रतियोगीताबारे जानकारी दिन बुधवार आयोजित पत्रकार सम्मेलनमा प्रतियोगीताको तयारी पुरा भएको जानकारी दिएको छ । प्रतियोगीता अगामी चैत्र ३ र ४ गते दुइदिन आयोजना हुँदैछ । प्रतियोगीतामा ५० जना खेलाडीहरुले सहभागीता जनाउने आयोजकले जनाएकोछ ।प्रतियोगिताका विजेताले नगद एक लाख १० हजार र ५० हजार वरावरको फिटनेस गिफ्ट ह्याम्पर पाउनेछन् भने दोस्रोले नगद ५० हजार, तेस्रोले ४० हजार, चौथोले ३० हजार, पाँचौले २० हजार र छैठौले १५ हजार नगद, ट्रफि, मेडल र प्रमाणपत्र पाउने आयोजकले जनाएकोछ । आयोजक एलाइनेट जिमका अनुसार पहिलो दिन चैत्र ३ गते प्री जज राउण्ड हुनेछ । जसमा ६ वटा ओजन समुह रहनेछन । यो राउण्डमा ६ जना खेलाडी समाबेश गराइनेछ । ४ गते प्रि–जजिङ्गबाट छनौट भएकाहरुले प्रतिस्पर्धा गर्ने आयोजक एलाइनेट जिमका अध्यक्ष विक्रम लिम्वुले जानकारी दिए ।

नेपाल कै ईतिहासमा २० औ बर्षसम्म प्रतीयोगीता आयोजना गरेर धरानलाई चिनाउने काम भएपनी स्थानिय सरकारले बेवास्ता गरेको अध्यक्ष लिम्बुले गुणासो गरे । संगै आयोजना सुरु गरेको अन्य खेलले लाखौं बजेट पाउदा हामीले उनिहरुले पाउने को आधा प्रतिशत पनि पाउन नसकेकोमा दु:ख व्यक्त्त गरे । खेलकुदको शहर धरानमा खेलकूदको विकासमा योगदान पुर्याउन , खेलाडीको आर्थिक अवस्था विकास गर्न र युवा पिडीमा भएको विकृतिहरुलाई खेलको माध्यमबाट निर्मूल गर्ने उद्देश्यले प्रतियोगीता गर्दै आएपनी सरकारी तवरबाट सहयोग नपाएको बताए । । दुई दिन सम्म चल्ने प्रतियोगीताको पहिलो दिन शुक्रवार वजन समूह ५५ केजी, ६० केजी, ६५ केजी, ७० केजी र ७ केजीवजन समूह र ७५ केजी माथिको वजन समूह रहने आयोजकले जनाएकोछ । प्रतियोगिता धरान १३ स्थित अमर सेवा समाजको हलमा हुने छ ।