नव प्रवेशी खुमलटार युथ क्लबले शहीद स्मारक ए डिभिजन लिगमा विजयी सुरुवात गरेको छ ।दशरथ रंगशालामा शुक्रबार राति भएको खेलमा खुमलटार युथ क्लबले फ्रेन्ड्स क्लबलाई १–० गोल अन्तरले पराजित गरेको हो ।एनआरटीका पूर्व खेलाडी मेसुकेले ८९औं मिनेटमा गोल गर्दै खेललाई जित दिलाए । ८०औं मिनेटमा फ्रेन्ड्सका लक्ष्मण रुचालको फ्रिकिकमा उत्तम राईको हेडर पोस्ट नजिकबाट बाहिरिएको थियो । यस जितसँगै खुमलटारले ३ अंक जोडेको छ ।लिग अन्तरगत शनिबार तीन खेल हुनेछ ।
च्यासल रंगशालामा दिउँसो २ः३० बजे नेपाल पुलिस क्लब र ‘ए’ डिभिजनको नव प्रवेशी चर्च ब्वाइज युनाइटेडबचि खेल हुनेछ ।दशरथ रगशालामा दिउँसो २ः३० बजे एपिएफ र थ्री स्टार तथा साँझ ५ः३० बजे मनाङ र हिमालयन शेर्पाबीच प्रतिस्पर्धा हुनेछ । लिग यस पटक दशरथ रंगशाला, एन्फा कम्प्लेक्स र च्यासल मैदानमा हुनेछ। लिगमा कुल १ सय ८२ खेल हुनेछ। यस पटकको लिग विजेताले ७५ लाख, दोस्रो टोलीले ५० लाख र तेस्रो हुने टोलीले २५ लाख रुपैयाँ पाउनेछन्।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।