पाँचथर माओवादी नेताको घरमा बम विस्फोट, दुई बालबालिकाको मृत्यु, दुई जना घाइते

पाँचथर जिल्लाको फालेलुङ गाउँपालिका वडा नम्बर ५ डाँडागाउँ भन्ने ठाउमा माओवादी केन्द्रका स्थानिय नेता आइतराज केरुङको घरमा बिहीबार भएको बम विष्फोटमा परी दुइजनाको मृत्‍यु भएको छ भने अर्का एकजना घाइते भएको छ । सो घटनामा चार बालकमध्ये दुई वर्षीय प्रिन्सा साँवाको थप उपचारका लागि झापाको विएनसी अस्पताल लैजाँदै गर्दा बाटोमा मृत्यु भएको छ ।विस्फोटमा परी ११ वर्षीय दिपशन साँवाको पनि विएनसीअस्पतालमा उपचारका क्रममा यसअघि नै मृत्यु भएको जिल्ला प्रहरी कार्यालय पाँचथरले जनाएको छ ।

दुई वर्षीय प्रियसा साँवा गम्भीर घाइते भएपछि जिल्ला अस्पताल पाँचथरमा उपचार हुन नसकेपछि थप उपचारको लागि उनीहरूलाई बीएण्डसी अस्पतालमा रेफर गरिएको थियो । त्यसैगरी ११ वर्षीय पवन राईको जिल्ला अस्पताल पाँचथरमा उपचार भइरहेको छ ।सात वर्षीय दिपशन राई सामान्य घाइते भएकाले स्थानिय स्वास्थ्य चौकी प्राङबुङमा उपचार भइरहेको जिल्ला प्रहरी कार्यालय पाँचथरले जनाएको छ ।

डाँडागाउँ भन्ने स्थानमा आइतराज केरुङको घरमा विष्फोट भएको थियो । सुरक्षा निकायले यसलाई ‘होममेड ग्रिनेट’ विस्फोट भएको अनुमान गरेको छ । तर नेपाली सेनाको टोलीले पुष्टी गरेपछि मात्र यसबारेमा थप स्पष्ट हुने प्रहरीको भनाइ छ ।घटनास्थलमा फेला परेको विष्फोटनका सम्बन्धमा थप विवरण नेपाली सेनाको टोलीले घटनास्थलमा पुगेर अध्ययन गरेपछि आज विस्तृत विवरण दिने प्रहरीले जनाएको छ ।