इटहरीमा टेम्पो चालकले सिटी सफारी चालकको हातनै छिनाइदिए

शनिवार साझ इटहरीको मुख्य चोकमा एक सिटी सफारी चालकलाई आफ्नै आफन्त टेम्पो चालकले हातनै छिनाइदिएकाछन । इटहरी ५ बस्ने राम भुजेलले सोही ठाउँका भुने चौधरीमाथि खुकुरी प्रहार गरेको प्रहरीको प्रारम्भिक अनुसन्धानबाट खुलेको छ । ‘साथमै खुकुरी बोकेर हिँडेका कारण सामान्य भनाभनमै खुकुरी प्रहार भएकाले हात काटिएछ,’ घटनास्थलमा रहेका एक प्रहरीले भने, ‘हामी अहिले जसले हात काटेको हो, उसकै घरमा छौँ र घटनाबारे थप बुझ्ने क्रममा छौँ ।’ हात काटिएपछि चौधरीलाई उपचारका लागि धरानस्थित वीपी कोइराला स्वास्थ्य विज्ञान प्रतिष्ठान पठाइएको प्रहरीले जनाएको छ । भुजेल र चौधरी ज्वाईँ जेठान रहेको प्रहरीको प्रारम्भिक अनुसन्धाबाट खुलेको छ ।