आफ्नै बुवाले गरे छोराको हत्या

धनकुटा,           पाख्रिवास नगरपालिका वडा नम्बर – ९, मा बुवाले आफ्नै छोराको हत्या गरेका छन् । हत्या हुनेमा पाख्रिवास ९ का ३० वर्षीय सन्तोष ठाडा रहेका छन ।

आज बिहान आफ्नै ५४ वर्षीय बुवा, उपेन्द्र ठाडाले धारिलो हतियार प्रयोग गरी हत्या गरेको जिल्ला प्रहरी कार्यालय धनकुटाका प्रवक्ता प्रहरी नायब उपरीक्षक चिरञ्जीवी दाहालले जानकारी दिनु भएको छ ।

घर नजिकै बङ्गुरको खोर निर्माण गरिरहेका बुवासँग वादविवाद बढेपछि आफूसँंग रहेको हतियार प्रयोग गरी हत्या गरेको स्थानीयले बताएका छन् । सामान्य घरायसी विवादका कारण हत्या भएको प्रहरीले जनाएको छ । हत्यापछि उपेन्द्र ठाडाले प्रहरी चौकी हिलेमा आत्मसमर्पण गरेकाे प्रहरी कार्यालय धनकुटाले जनाएकाे छ ।