सुनसरी क्षेत्र नम्बर १ को निर्वाचन अधिकृतको कार्यालय धरानमा स्थापना गरिएको छ । अगामी मङ्सिर ४ गते हुने प्रतिनिधि सभा सदस्य तथा प्रदेश सभा सदस्यको निर्वाचन २०७९ को लागी सुनसरी क्षेत्र नम्बर १ लाई लक्षित गरी निर्वाचन अधिकृतको कार्यालयमा धरानमा स्थापना गरिएको छ । कार्यालय धरान ८ स्थित सभागृहमा स्थापना गरिएको हो । कार्यालय स्थापना उदघाटन सुनसरी जिल्लाको निर्वाचन प्रमुख अर्जुन अधिकारीको प्रमुख आतिथ्यता तथा प्रमुख जिल्ला अधिकारी इन्द्रदेव यादवको विशेष उपस्थितीमा कार्यालयको वोर्ड राखेर उद्घाटन गरिएको हो । कार्यालयको प्रमुख निर्वाचन अधिकृत रुद्र प्रसाद अर्याल रहेका छन । अब निर्वाचन सम्बन्धी सम्पूर्ण कार्यहरु यही कार्यालयबाट अघि वढ्ने निर्वाचन प्रमुख अधिकारीले बताउनु भयो । उहाका अनुसार असोज २३ गते उम्मेद्धवारको मनोनयन दर्ता भए पश्चात निर्वाचनको कामहरु तीव्र रुप अघि वढनेछ ।त्यसका लागि निर्वाचनलाई भयरहित ,शान्तिपुर्ण तरिकाले सम्पन्न गर्न सवै तह र तप्कालाई सहयोग गर्न पनि आग्रह गरेका छन् ।
