नेकपा माओवादी केन्द्रका अध्यक्ष तथा पुर्व प्रधानमन्त्री पुष्प कमल दाहाल प्रचण्डले सुनसरी क्षेत्र नम्बर एकका बाम लोकतान्त्रीक गठबन्धनका उम्मेदवारहरुलाई जिताउन आग्रह गरेकाछन । धरानमा आयोजित लोकतान्त्रि वाम गठबन्धनको चुनावी आमसभालाई सम्बोधन गर्दै अध्यक्ष प्रचण्डले बताए छन । उनले धरानको खानेपानी समस्या मुल समस्याको रुपमा देखिएको थियो यो समस्या समाधान गर्नकै लागी भनेर हर्क साम्पाङ्ग मेयर बन्नु भएको छ । मेयर साम्पाङ्गले खानेपानी समस्या समाधानको लागी भरपुर प्रयत्न गरिरहेको बताउँदै मेयरलाई धन्यावाद दिए । उनले भने मेयर साम्पाङ्गको लगनशीलतालाई सम्मान गर्दै अब बन्ने गठबन्धन सरकारले यो समस्या समाधानको लागी मेयर साम्पाङ्गसँग सहकार्य गरेर दिर्घकालिन योजना ल्याउने बताए ।
सुनसरीको मात्र नभएर नेपालकै समस्याको रुपमा हेरिएको सुकुम्बासी समस्या समाधान भइरहेको बताए । उनले भने कांग्रेसको सभापति शेरबहादुर देउवाको नेतृत्वमा भएको गठबन्धन सरकारले यो समस्याको सम्बोधन गरेको बताए । भुमिसुधार मन्त्री माओवादी केन्द्रका नेता भएकाले यो समस्या समाधानको लागी आफ्नो भुमिका रहेको बताउँदै आगामी दिनमा पनि यो समस्या समाधानलाई प्रथामिकतामा राखिने बताए । हाल मुलुक भर धनीपुर्जा वितरण गरिँदैछ हाल निर्वाचन आचारसंहिताले गर्दा धनीपुर्जाको काम रोकिएको छ अब निर्वाचन पश्चात गठबन्धनको सरकार बन्ने छ र सुकुम्बासी समस्या समाधान हुने विश्वास दिलाएका छन ।
निर्वाचन पश्चात यो गठबन्धनकै सरकार बन्ने भएकोले हाल पाइपलाईनमा भएको विकासलाई निरन्तरता दिइनुका साथै नयाँ योजनालाई अगाडी बढाइने उनले बताए । उनको अनुसार विषेश गरेर यो क्षेत्रको खेलकुद, पर्यटन, शिक्षा र स्वास्थ्यमा विकासको निम्ति गठबन्धन सरकार अग्रसर रहेको उनले बताए । यस क्षेत्रमा पर्ने धरान स्थित वीपी कोइराला स्वास्थ्य विज्ञान प्रतिष्ठानको समस्यालाई सम्बोधन गर्दै अध्यक्ष प्रचण्डले भने यो समस्याको बारेमा सरकारमा छलफल भइरहेको बताए । उनले भने प्रतिष्ठानको समस्या समाधानको लागी प्रधानमन्त्री शेरबहादुर देउवासँग छलफल भइसकेको छ अब यसलाई कार्यन्वयनमा लगीने समेत विश्वास व्यक्त गरे ।
धरानलाई खेलकुदको शहर भनेर चिनिएता पनि यस क्षेत्रको खेलकुदमा विकास अपेक्षा गरे अनुरुप नभएको बताए । उनले भने यहाँको खेल क्षेत्रको विकासको लागी कभर्ड हल, खेल मैदान निर्माणको लागी आफ्नो पहल रहनुका साथै संघीय सरकारबाट विषेश प्राथामिकताका साथ बजेट विनियोजन गर्ने प्रतिवद्धता जाहेर गरेका छन । उनले भने आफ्नो पहल कदमीसँग यो क्षेत्रको विकासको निम्ति यस क्षेत्रको समस्यासँग परिचित लोकतान्त्रिक वाम गठबन्धनका उम्मेद्वारलाई जिताएर पठाउन जनसमुदायमाँझ आग्रह गरे ।
मंसिर ४ को निर्वाचन पश्चात गठबन्धनकै सरकार बन्ने बताउँदै यस क्षेत्रबाट प्रतिनिधि सभा सदस्य उम्मेद्वार मुक्सामहाङ्ग मेन्याबो मुकेशलाई जिताएर पठाउन आग्रह गरे । मुकेशको बारेमा आफु राम्रो जानकारि भएकोले यी युवा उम्मेद्वारलाई यस क्षेत्रका जनताले जिताएर पठाउने काम गरे आफुले मन्त्री बनाएर पठाउने समेत अध्यक्ष प्रचण्डले बताए । यसै गरि सहयात्रीको रुपमा सभालाई सम्बोधन गर्न आएका प्रकाश शरण महतलाई पनि प्रदेश सभाको उम्मेद्वार युवा र सम्भावना बोकेका उमेश थापालाई प्रदेशको मन्त्री बनाउन पहल गर्न आग्रह गरे । यसका साथै प्रदेश सभा ख का उम्मेद्वार रेवतीरमण राई पनि क्लियर व्यक्ति भएकोले नेकपा एसले राम्रै भुमिका दिने कुरामा विश्वास व्यक्त गरेका छन ।
