धनकुटाको डाँडा बजारमा एक दिने कृषि प्रदर्शनी मेला सम्पन्न भएको छ । साँगुरी गढी गाउँपालिका वडा नंं. ५ को आयोजनामा शनिवार डाँडा बजारमा कृषि प्रदर्शनी मेला आयोजना गरिएको थियो ।
कृषि मेलाको उदेस्य निर्वाहमुखी खेती प्रणालीलाई व्यावसायिक खेतीमा रूपान्तरण गर्दै उत्पादनको बजारीकरण गरी कृषकलाई प्रोत्सान गर्न मेलाको आयोजना गरिएको वडाध्यक्ष खड्ग लिम्बूले बताउनुभयो । मेला प्रदसानीमा ल्याइएका कृषकको उत्पादनलाई विभिन्न ४ विधामा राखेर पुरस्कारको लागि मूल्याङ्कन गरिएको थियो । जस्तै, कृषि उपजका विधाहरूमा नगदे बाली, तरकारी बाली, फलफूल बाली, खाद्यान्न बाली, दलहन बालीलाई छुट्टाछुट्टै रूपमा प्रदर्शनीमा राखिएको थियो । प्रदर्शनीमा राखिएका कृषि सामग्रीको मूल्याङ्कन गरी प्रथम, दोस्रो, तेस्रो, चौथो र सान्त्वना स्थान हासिल गर्ने कृषक पुरस्कृत भएका छन । मेलाको उद्घाटन उद्घाटन साँगुरी गढी गाउँपालिका अध्यक्ष जितेन्द्र रुम्दाली राईले गर्नु भएको थियो ।
अध्यक्ष राईले छोटो समयमा छोटो समयको लागि वडाले कृषि प्रदशनीको आयोजना गरे पनि यसले कृषक र स्थानिय सरकार बिचको सामन्जस्यता बढेको बताउनु भयो । वडाले उदाहारणीय कार्य गरेको भन्दै यस प्रकारका मेलाले कृषि उत्पादनको प्रवर्द्धनका साथै कृषकलाई व्यावसायिक उत्पादनका लागि हौसला मिल्ने बताउनु भयो । यस्तै राईले पालिकाले अगामी दिनमा यहा उत्पादन भएका बस्तुहरुको ब्राण्डीङ्ग र बजारीकरणको गाउँपालिकाले तयारी गरिरहेको बताउनु भयो ।
