ग्रेस इन्टरनेशनलको शाखा धरानमा खुल्यो, उदघाटनमा दीपेन्द्र सिंह ऐरी धरान आउने

कन्सल्टेन्सीहरुको बिचमा आफ्नो छुट्टै पहिचान बनाउदै आएको इन्टरनेशनल नेपालको १९ औ शाखा धरानमा खुल्ने भएको छ । मङगलबार धरानमा पत्रकार सम्मेलन आयोजना गरी कोशी प्रदेशमा ५ औ र नेपालमा १९ औ शाखाको औपचारिक उदघाटनको तयारी रहेको धरान शाखाका अध्यक्ष बिशाल राईले जानकारी दिए । शाखाको औपचारिक उदघाटन यही फागुन १६ गते शुक्रबार हुने राईले जानकारी दिए । शाखा कार्यलय उदघाटनको दिन कन्सल्टेन्सीका ब्रान्ड एम्बासडर, नेपाली रास्ट्रीय क्रिकेट टिमका खेलाडी दीपेन्द्र सिंह ऐरी धरान आउने भएका छन । उदघाटन कार्यक्रम कन्सल्टेन्सीको भवन धरान ३ स्थित रदन रोडमा हुने भएको छ ।

उदघाटनको दिन कन्सल्टेन्सी भिजिट गर्नको लागी धरान भरीबाट लगभग ३०० जना बिधार्थीहरुले नाम दर्ता गरिसकेको कन्सल्टेन्सीको सिइयो सन्जीव वान्तवाले जानकारी दिए । सोही दिन एजुकेशनल फियरको स्टल चल्ने र बिभिन्न देशका ९ देखी ११ वटा सम्मका युनिभर्सिटीबाट प्रतिनिधित्व गरेर आउने प्रतिनिधिहरुले आफ्नो युनिभर्सिटीको बारेमा उपस्थित बिधार्थीहरुलाई काउन्सिलिङ गर्ने अध्यक्ष राईले जानकारी दिए । साथै बिधार्थीहरुको लागी बिभिन्न खेलहरु पनि आयोजना हुने भएकोले सम्पूर्ण बिधार्थीहरुलाई निमन्त्रणा समेत गरिएको छ ।

ग्रेस इन्टरनेशनल, अग्रणी र विश्वसनीय शैक्षिक सेवा प्रदायकहरू मध्ये एक भएकाले हाल अष्ट्रेलिया, न्यूजील्याण्ड, संयुक्त राज्य अमेरिका, बेलायत, क्यानडा र धेरै देशहरूका प्रतिष्ठित विश्वविद्यालयहरू र कलेजहरूबाट उच्च शिक्षा हासिल गर्ने योजना बनाइरहेका विद्यार्थीहरूलाई व्यापक समाधान प्रदान गर्ने एकमात्र विकल्प रहेको अध्यक्ष राईको दावी छ । ग्रेस इन्टरनेशनलको शाखा अष्ट्रेलिया, नेपाल, भारत, पाकिस्तान र केन्यामा रहेको छ । ग्रेसको उद्देश्य विद्यार्थीहरूलाई उपयुक्त शिक्षा र सहि मार्गहरू मार्फत उनीहरूको करियरको सम्भावनाहरू खोज्न गर्न र सुरक्षित गर्ने रहेको अध्यक्ष राईको भनाइ छ ।