धरान उपमहानगरपालिकाका मेयर हर्क राज राई (हर्क साम्पाङ) आफु बेलायत भ्रमणमा जाने क्रममा वडा ११ का वडाध्यक्ष लोकेन्द्र फागोलाई दिएको कार्यवाहक मेयरको जिम्मेवारी उच्च अदालत विराटनगरले खारेज गरिदिएको छ । उपप्रमुख हुँदाहुँदै स्थानिय सरकार संचालन ऐन, विपरित वडाध्यक्षलाई कार्यवाहक दिने प्रमुख साम्पाङको पत्र गैरकानुनी रहेको भन्दै उच्च अदालत विराटनगरले खारेज गरेको हो । उच्च अदालत विराटनगरका न्यायाधीश ध्रुवराज नन्दको इजलासले उत्प्रेषणयुक्त परमादेश जारी गरेको हो ।
उक्त आदेशसँगै प्रमुख साम्पाङको कार्यवाहकको जिम्मेवारी दिएको पत्र कार्यान्वयन नहुँदा स्वतः वडाध्यक्ष फागो कार्यवाहक प्रमुख मुक्त्त भएका छन छन । उच्च अदालतले उपप्रमुख अईन्द्र विक्रम बेघाले दायर गरेको रिटमा सुनवाइ गर्न २३ गते पेशी तोक्दै कार्यवाहक प्रमुखको जिम्मेवारी दिएको पत्र खारेज गर्ने उत्प्रेषणको आदेश जारी गरेको हो । उपप्रमुख अईन्द्र विक्रम बेघाले शुक्रवार दायर गरेको रिटमा अदालतले आइतबार कार्यवाहक प्रमुखको जिम्मेवारी दिएको पत्र खारेज गर्दै उत्प्रेषणको अन्तरिम आदेश सहित कारण देखाऊ आदेश जारी गरेको छ । अदालतले स्थानीय सरकार सञ्चालन ऐन, २०७४ र धरान नगर कार्यपालिका कार्यविभाजन नियमावली, २०७४ मा भएको व्यवस्था एवं सुविधा सन्तुलनको दृष्टिकोणबाट मेयर साम्पाङको निर्णय यथास्थितिमा राख्न आदेश दिएको हो ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।