पछील्लो समय धरान बिपी कोइराला स्वास्थ्य बिज्ञान प्रतिष्ठानको आन्दोलनको कारण आशान्त छ । दक्षिण एसियाकै उत्कृष्ट मध्येको प्रतिष्ठान धरानका शिक्षक र कर्मचारीहरु २९ पुसदेखि काम छाडेर आन्दोलनमा छन । बढुवा सुचारु गर्न माग गर्दै सुरु भएको आन्दोलनविरुद्ध सञ्जयकुमार मेहताले उच्चमा निवेदन दर्ता गरेका थिए । बुधबार उच्च अदालतका न्यायाधीश गणेशप्रसाद बरालको एकल इजलासले बढुवा प्रक्रिया रोकेर दुवै पक्षलाई छलफलका लागि आउन आदेश दिएपछी पनि काम छाडेर आन्दोलनमा उत्रेका शिक्षक र कर्मचारीहरुले गर्दा धेरै जनताहरुले सास्ती खेप्नुपरेकोछ । उक्त सास्तीको समाधान खोज्दै धराने जनताहरु स्वस्फुर्त रुपमा शान्तीपूर्ण र्यालीमा मा सहभागी भएका छन । धरान १८ का वडा अध्यक्ष नरेन्द्र राई प्रबिणको नेतृत्वमा धरानका स्थानिय राजनीतिक दलका नेताहरु, समाजसेवी, बुद्दीजिवी, बिधार्थी,कलाकारहरु, खेलाडीहरु र्यालीमा सहभागी भए । वडाध्यक्ष राईले एक बिज्ञप्ती निकालेर चेतावनी समेत दिएका थिए ।
धरान–१८ को क्याम्प गेटअगाडिबाट शुरु भएको र्याली उपकुलपतिको कार्यालयअघिसम्म पुगेर टुङगियको थियो । प्रतिष्ठानका पदाधिकारी, राजनीतिक, शिक्षक, कर्मचारी साथै गुटबन्दीले प्रतिष्ठान यो बेहालबनाएकाले हाल आएर उपचार सेवा समेत ठप्प भएकोले शान्तीपूर्ण आन्दोलन गर्नु परेको वडाध्यक्ष राईले जानकारी दिए । तत्काल अस्पतालको सेवा र पठनपाठन सुचारु गर्न माग गर्दै विभिन्न प्लेकार्ड बोकेर सयौं धरानेका साथ पुगेका वडाध्यक्षले अब प्रतिष्ठान सुधार्न हदै कोसिस भएको र सबैले लत्तो छाडे भण्डाफोर गर्दै प्रतिष्ठानको गेटअगाडि धर्ना बस्ने समेत चेतावनी दिएका छन् । प्रतिष्ठानको अहिलेको स्थितिले ‘स्वास्थ्य उपचारको जनताको मौलिक हक’ खोसिन सक्ने अवस्था सिर्जना भएकोले त्यसको जिम्मेवारी सम्बन्धित पक्षले लिनुपर्ने ध्यानाकर्षण गराउँदै शान्तिपूर्ण र्याली निकालिएको राईको भनाइ छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।