धरानमै पहिलो जर्मनी भाषा सिकाउने इन्स्टिच्युट खुल्यो

पछील्लो समय नेपालमा कोरियन भाषा सिक्ने युवाहरुको संख्या छ । आकर्षक तलब सुबिधाका कारण नेपाली युवायुवतीहरु कोरियन भाषा सिकेर कोरिया जानेको संख्या उल्लेख्य छ । तर पछील्लो समय नेपालले युरोपियन देश जर्मनीमा पनि जि टु जी मार्फत रोजगारीको लागी युवाहरु पठाउने पहल गरेपछी युवाहरुमा जर्मनी भाषा सिक्ने हरुको संख्यामा बढ्दै छ । जर्मनी भाषा सिक्नलाई काठमाण्डौ धाइरहनु पर्ने युवाहरुको लागी अब कोशी प्रदेशको धरानमा पहिलोपटक जर्मन भाषा सिकाउने इन्स्टिच्युट खुलेकोछ । काठमाडौँ स्थित एनएस ग्लोबल सोलुसन (प्रा)लि ले धरानमा शाखा स्थापना गरी जर्मन भाषा कक्षा प्रारम्भ गरेको हो । धरान-३ सदन रोडमा खुलेको एन एस शाखाको आज शनिवार बिहान प्रमुख अतिथि कोशी प्रदेशका सांसद विजय राई र धरान उपमहानगरपालिकाका उपमेयर आईन्द्र विक्रम बेघाले गरेका छन् । उक्त अवसरमा सांसद राईले धरानमा पहिलो पटक जर्मन भाषा प्रशिक्षण केन्द्र खुलेकाले जर्मन भाषा सिक्न काठमाडौँ जानु पर्ने बाध्यताको अन्त्य भएको बताए। उनले भने ‘युवा जनशक्ति रेमिटान्स भित्राउन बाहिर जानेहरूलाई सुविधा पुगे पनि शिक्षित युवा बिदेसिने प्रवृत्तिले देश पछाडि परेको छ।’उपमेयर अइन्द्र विक्रम बेघाले धरानको अर्थतन्त्रको मुख्य श्रोत युके, अमेरिका, जापान ,जर्मन र खाडी मुलुक भएको बताउँदै भने ‘धरान रेमिटेन्सले धानेका सहर भएकोले विदेशमा हुने परिवर्तनका पहिलो प्रभाव धरानमा पर्ने गरेको छ ।’सिक्ने सिकाउने उद्देश्यले खुलेको जर्मन भाषा कक्षाले कमाउन सक्यो भने त्यसलाई राम्रो भन्नु पर्ने बताए ।

एसएन ग्लोबल सोलुसन प्रालिका धरान शाखाका अध्यक्ष पूर्ण राईले जर्मन भाषा साथै अस्ट्रेलिया, जापान, साउथ कोरिया, युके क्यानडाको भाषाका कक्षा पनि सञ्चालन गरिने बताए ।जर्मन भाषामा १० वर्ष प्रशिक्षण दिएर अनुभव प्राप्त जर्मन भाषा प्रशिक्षक सनक कुमार बस्नेतले धरानमा भाषाको प्रशिक्षण दिने अध्यक्ष राईले जानकारी दिए । धरानमा जर्मन भाषा सिक्नका लागी धरानबासीहरु सिक्न लाई निकै आतुर भएको थाहा पाएर हामीले धरानमा पहिलो शाखाको रुपमा स्थापना गरेको सिइओ निरन श्रेष्ठले बताए । जर्मन भाषाको लागी ए वान ए टु,बी वान बिटु र सि वान सिटु त्यतहहाँ भएपनी धरानमा हालको अवस्थामा ए वान ए टु क्लास संचालन हुने र यो क्लास दुईमहिनामा सम्पन्न हुने श्रेष्ठले जानकारी दिए । अहिलेको अवस्थामा ए वान ए टु क्लास लिनेले जर्मनीको लागी भिसा अप्लाई गर्न पनि पाइने श्रेष्ठले बताएकाछन ।