धरान उपमहानगरपालिकाका मेयर हर्क साम्पाङके बराहक्षेत्र नगरपालिका पुगेर कोकाहा खानेपानी योजना बारे आफुबाट गल्ती भएको स्विकारेका छन । कोकाहा खोलाको पानी धरान सम्म ल्याउन दिनरात श्रमदान मार्फत खटिरहेका मेयर साम्पाङले वराहक्षेत्र नगरपालिकाको भुमि प्रयोग गरी कोकाहा खोलाको पानी धरान ल्याउदा स्थानिय सरकार वराहक्षेत्र नगरपालिका सँग समन्वय नगरी धरान पानी ल्याउदा वराहक्षेत्र नगरपालिकाको वडा नम्बर १ चावचाका स्थानियबासीले आपती जनाएपछी वराहक्षेत्र नगरपालिकाले साम्पाङलाई पत्र काटेको थियो ।
सोही पत्रअनुरुप मेयर साम्पाङ वराहक्षेत्रका मेयर रमेश कार्कीसँग कुराकानी गर्न बुधवार बिहान चक्रघट्टी पुगेका थिए । भेट्घाटको क्रममा साम्पाङले नगरपालिकासँग समन्वय नहुनु गल्ती, कमी कमजोरी भएको धरान उपमहानगरपालिका मेयर हर्क साम्पाङले स्विकार गरेका छन् । बुधवार दुवै नगरपालिकाका मेयर बिच भएको छलफलमा आवश्यक समन्वय गरेर मात्र काम सुरु गर्ने सहमति भएको छ । प्रमुख साम्पाङका अनुसार कोकाहको पानी ल्याउदा वराहक्षेत्रको भुभाग प्रयोग गर्दा हुने क्षतिको विषयमा थप छलफल भए पछि मात्र काम सुरु हुनेछ । बराह क्षेत्रका मेयर कार्कीले भने जिल्ला समन्वय समिति र जिल्ला प्रशासन कार्यालय सँग समन्वय गरिने बताएका छन ।
Photo : Sangam Bista
