प्रिमियरमा रुवाबासी चलेको प्रतिक्षित चलचित्र ‘अन्जिला’ को बुकिङ खुल्यो

पछील्लो समय हरेक सामाजिक संजाल निकै चर्चा बटुलेको र देश बिदेशमा प्रिमियर गरेर दर्शकहरुको मन जित्न सफल प्रतिक्षित चलचित्र ‘अन्जिला’ को अग्रीम बुकिङ खुलेको छ । यही फागुन २९ गतेबाट देश्व्यापी प्रदर्शनमा आउन लागेको चलचित्र ‘अन्जिला’ ले हङ्कङ, युके , कोरिया , धरान र काठमाण्डौमा प्रीमियर गरेर दर्शकमात्र हैन खेलाडी, चलचित्रकर्मी र पत्रकारहरुलाई समेत रुवाएर सामाजिक संजालमा धेरै चर्चा बटुलेको छ । सामाजिक संजालमा धेरै दर्शकहरुले प्रतिक्षित बनेको हेर्ने प्रतिबद्दत्ता जनाएको कमेन्ट गरेको आएको छ । ट्रेलर रिलिज देखिनै चर्चामा आएको चलचित्र ‘अन्जिला’ नेपाली महिला रास्ट्रीय फुटबल टिमकी कप्तान तथा गोल किपर अन्जिला तुम्वापो सुब्बाको वायोपिक हो । चलचित्रमा अन्जिलाको भूमिकामा अन्जिला स्वयम रहेकिछिन । उनले फुटबलमा जस्तै अभिनयमा पनि राम्रो प्रस्तुती दिएकी छिन उनको अभिनयको चौतर्फी प्रशंसा भैरहेको छ ।

मिलन चाम्सको निर्देशकीय हिसाबमा यो तेस्रो बायोपिक हो चलचित्र हो । यस अघी ब्लाइड रक्स , बबी निर्देशन गरिसकेकाछन । तुलनात्मक रुपमा अन्जिला चाम्सको अन्य चलचित्रहरु भन्दा निकै उत्कृष्ट बारेको छ । चलचित्रको पहिलो भाग निकै गज्जब लाग्छ । दयाहाङ राइ र बिजय बरालको जोडीले गज्जब मनोरन्जन दिन्छ । पहिलो हाफको तुलनामा दोस्रो हाफ अन्जिलाको खेल जीवनको मात्र देखाइएको ले खेल खेल क्षेत्रको चासो नहुने दर्शकलाई अलिक अल्छि लाग्न सक्छ तर पहिलो हाफको कथालाई सम्झिने हो भने दोस्रो हाफको केही अल्छिपनी स्वत: हराउछ । यदी चलचित्र हेर्ने आम दर्शकले चलचित्रको पात्रलाई आफु सम्झेर हेर्ने हो भने धर धरी आशु नझर्नेमा कुनै संका छैन ।

चलचित्रको प्रमुख अभिनेत्री अन्जिला तुम्बापो एञ्जिलाकै जन्मथलो इलामको आइतबारे, झापा र काठमाडौंमा छायांकन गरिएको चलचित्र ‘अन्जिला’ ले अन्जिलाको बाल्यकालदेखि खेल जीवनसम्मको संघर्ष र सफलताको कथा पेश गर्नेछ । जसले इच्छाशक्ति भए असम्भव केही छैन भन्ने सन्देश दिने प्रयास गरेको जानकारी निर्माण टिमले दिएको छ ।चलचित्रमा अन्जिला संगै दयाहाङ राई, सिर्जना सुब्बा, माओत्से गुरुङ, बुद्धि तामाङ बिजय बराल लगायतका कलाकारको अभिनय रहेको छ ।

निर्माता प्रेम कुमार श्रेष्ठले पनि सिनेमामा मुख्य भूमिका निर्वाह गरेका छन् ।मुन लभ इन्टरटेन्मेन्टको ब्यानरमा प्रेम श्रेष्ठले निर्माण गरेका हुन् । विनोद अग्रवाल र राजेश बगडिया सह–निर्माता हुन् । सिनेमामा सुदीप बरालको डिओपी, मिलन श्रेष्ठको सम्पादन रहेको छ । चलचित्रको छायाङ्कन एञ्जिलाको जन्मथलो इलामको आइतबारे, झापा, र काठमाडौँमा गरिएको छ । चलचित्रको छायाङ्कन सुदीप बरालले गरेका छन् भने सम्पादन मिलन श्रेष्ठले गरेका छन् । मुन लभ इन्टरटेन्मेन्टको ब्यानरमा निर्मित यस चलचित्रका निर्माता प्रेम कुमार श्रेष्ठ हुन्, भने टुबेन्द्र लिम्बु, विनोद अग्रवाल र राजेश बगडिया सह-निर्माता हुन् । चलचित्र यही फागुन २९ गते देशभरका सिनेमा हलमा प्रदर्शनमा आउँदैछ ।