‘होस्टेल -३’ को गीत ‘मनमा अनौठो’ मा सिम्रन र पारस एक अर्कामा रमाउदै

अहिलेका मेगास्टार अनमोल केसीले डेब्यु गरेको चलचित्र ‘होस्टल’ को तेस्रो सिक्वेल ‘होस्टेल- ३’ को दोस्रो गीत ‘मनमा अनौठो’ बोलको गीत सार्वजनिक भएको छ । अर्जुन पोखरेलको शब्द, सङ्गीत, रेश्मा पुन र उकेश रावलको स्वर रहेको छ । । गीतमा प्रविन सिंहको कोरियोग्राफी रहेको छ । पहिलो गीत ‘टिक टिक टिक’ लाई दर्शकहरुले धेरै रुचाएपछी दोस्रो गीत सार्वजनीक भएको हो । गीतमा अहिलेका सामाजिक संजालहरु टिक टिकबाट उदाएका पारस बम (कुल ब्वाइ) र सिम्रन पन्त फिचर्ड छन् ।

गीत सार्वजनिक भएसँगै टिकटक तथा रिल्समा ट्रेन्डिङ हुन थालेको छ भने युट्युबमा उत्साहजनक प्रतिक्रियाहरू आइरहेका छन् । कलेज जीवनका उतारचढावलाई सङ्गीतमय रूपमा उजागर गर्दै विविध पृष्ठभूमिका साथीहरूबीचको बन्धुत्वलाई मजबुत रूपमा प्रस्तुत गरिएको छ । यस गीतले दर्शकलाई आफ्नै कलेज जीवन सम्झन बाध्य बनाउँछ । चलचित्रको निर्देशन सशान कँडेलले गरेका हुन् भने स्क्रिप्ट माधव शर्माले लेखेका छन् कथा निर्देशक कँडेलकै हो ।

आगामी फागुन २३ गते रिलिजको तयारीमा रहेको नेपाली चलचित्र ‘होस्टेल ३’ मा भोइस अफ नेपाल बाट चिनिएका रिहान गिरी, सिक्किमका कन्टेन कृयटर पदम तामाङ,चर्चित कलाकार केदार घिमिरे ( माग्ने बुडा) का सुपुत्र आशिष घिमिरे, सिम्रन पन्त, हेना नगरकोटी, र समा पराजुली फिचर्ड छन् । ‘होस्टेल ३’ नेपालको चर्चित चलचित्र शृङ्खला ‘होस्टेल’ को तेस्रो संस्करण हो । चलचित्रको निर्देशन सशान कँडेलले गरेका हुन् भने स्क्रिप्ट माधव शर्माले लेखेका छन् । कथा निर्देशक कँडेलकै हो ।

यसमा क्याम्पस जीवनका सङ्घर्ष, मित्रता, र रमाइलो क्षणहरूको कथा रहेको छ ।चलचित्र सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको हो । निर्माताहरू सुरेश कँडेल, कर्ण कार्की र गोविन्द अधिकारी तथा कार्यकारी निर्माता शङ्कर कोइराला हुन् । सह निर्माताहरू शिशिर ज्ञवाली, कुन्दन गुप्ता र अनीश सिग्देल तथा लाइन प्रोड्युसर कोसिसराज क्षेत्री हुन् ।

अर्जुन तिवारी डिओपी, बुद्ध थापा र मनोज खत्री सिनेमाटोग्राफर, सुदिप कुँवर मुख्य सहायक निर्देशक, यम प्रसाद ओली प्रोडक्सन डिजाइनर हुन् । चलचित्रका सङ्गीतकारहरू अर्जुन पोखरेल, अलमोडा राणा उप्रेती, महेश ज्ञवाली र किरण माइकल हुन्, जसमा विकास दाहालको सम्पादन, प्रवीण सिंह र रोशन विश्वकर्माको कोरियोग्राफी, हिमाल केसीको द्वन्द्व निर्देशन, राकेश दाहालको पोस्टर डिजाइन रहेको छ ।