मुख्य ४ पुरुष कलाकारलाई देखाउदै ‘होस्टेल ३’ को पोस्टर सार्वजनिक

सफल चलचित्र ‘होस्टेल’ को तेस्रो सिक्वेल ‘होस्टेल ३’ को पोस्टर सार्वजनिक भएको छ । अहिलेका मेघा स्टार अनमोल केसीले डेब्यु गरेको चलचित्र ‘होस्टेल’ को तेस्रो सिक्वेलमा भने अहिले का भाईरल केही पुरुष कलाकारहरुलाई समेट्दै निर्माण थालिएको हो । सिक्किमका पदम तामाङ गरिमा इन्टरटेन्मेन्टका कन्टेन कृयटर र कलाकार हुन, यसै गरी टिकटकबाट कुल ब्वाइको उपनाम पाएका टिकटकर पारस बम, चर्चित हास्य अभिनेता केदार घिमिरे माग्ने बुडा का छोरा आशिष घिमिरे र भ्वाइस अफ नेपालका प्रतियोगी भुटानका रिहान गिरिलाई पोस्टरमा अटाइएको छ । पोस्टरमा देखाइएको बास्केटबल कोर्टको तस्विर हेर्दा लाग्छ यी पात्रहरु होस्टलका अती मिल्ने साथीहरु हुन ।

पोस्टरसँगै सार्वजनिक संगै चलचित्रको प्रदर्शन मिती पनि तय गरिएको छ । चलचित्र अब फागुन २३ गतेबाट नेपाल सहित अन्य विभिन्न देशहरूमा प्रदर्शनमा आउने निर्देशक सशान कँडेलले बताए । क्याम्पस जीवनका सङ्घर्ष, मित्रता, र रमाइलो क्षणहरूको कथा समेट्ने अपेक्षा गरिएको छ । माधव शर्माले लेखेको ‘होस्टेल -३’ को निर्देशन सशान कँडेलले गरेका हुन भने कथा निर्देशक कँडेलकै हो । चलचित्र सम्मान इन्टरटेनमेन्टले आरोन कन फिल्म्ससँगको सहकार्यमा निर्माण गरेको हो । निर्माताहरू कर्ण कार्की र गोविन्द अधिकारी, सह-निर्माता सुरेश कँडेल तथा कार्यकारी निर्माता शङ्कर कोइराला हुन् ।

चलचित्रमा पारस, रिहान, आशिष, पदमसहित सिम्रन पन्त, हेना नगरकोटी, उमर खान, समा पराजुली, सन्तोष बानियाँ, रोहन श्रेष्ठ, आशिष पुरुषलगायतका कलाकारहरूको अभिनय रहेको छ ।अर्जुन तिवारी डिओपी, बुद्ध थापा र मनोज खत्री सिनेमाटोग्राफर, सुदिप कुँवर मुख्य सहायक निर्देशक, यम प्रसाद ओली प्रोडक्सन डिजाइनर हुन् । अर्जुन पोखरेल, अलमोडा राणा उप्रेती, महेश ज्ञवाली र किरण माइकलको रहेको छ । विकास दाहालको सम्पादन, प्रवीण सिंह र रोशन विश्वकर्माको कोरियोग्राफी, हिमाल केसीको द्वन्द्व निर्देशन रहेको छ । चलचित्रको नेपाल वितरक आरआर फिल्म्स र काफिया फिल्म्स रहेकाछन ।