यही पौष २५ गतेदेखी सुरु हुने ‘धरान एक्स्पो–२०८१’ का लागि स्टल बुकिङ खुल्यो

बिगत ३ बर्षदेखी धरानमा आयोजना हुँदै आएको धरान एक्स्पो तेस्रो धरान एक्स्पो -२०८१ को लागी स्टल बुकिङ खुलेको छ । यही पौष २५ गतेदेखी माघ ५ गतेसम्म आयोजना हुने एक्स्पोको लागी स्टल बुकिङ खुला गरिएको आयोजक सुनसरी उद्योग वाणिज्य संघले जानकारी दिएको छ । एक्स्पो धरान १६ स्थित धरान रङ्गशालाको दक्षिणपटीको खाली मैदानमा हुने आयोजक सुनसरी उधोग वाणिज्य संघका अध्यक्ष विजय श्रेष्ठले जानकारी दिए ।

एक्स्पो धरान उपमहानगरपालिका र प्रदेश १ सरकारको सहयोगमा आयोजना हुँदैछ । बिगत ३ बर्षदेखी आयोजना गर्दै आएको एक्स्पो ह्याङगर भित्र आयोजना गर्दै आएको छ । यस पटकको एक्स्पोमा पनि डोम हेंगरमा निर्मित करिब १४५ स्टलहरु रहने आयोजकले जानकारी दिएको छ। आयोजकका अनुसार डोम भित्र संवेदनशील वस्तुहरूको करिब १०० वटा स्टलहरु अर बाहिर थप अन्य स्टलहरू हुनेछन् ।

एक्स्पोका लागि रंगशालामा अस्थायी संरचना निर्माण गर्ने र आवश्यक अन्य व्यवस्थापनलाई आयोजकले तीव्रता दिएका छन् ।कृषि उत्पादन, कृषि उद्यम, उद्योग र पर्यटनको विकासमा योगदान पुर्याउने उद्देश्यले एक्स्पो आयोजना गरिएको संघका अध्यक्ष विजय श्रेष्ठले बताए । ‘मोरङ, झापा, इलाम, उदयपुर, धनकुटा, तेह्रथुम, संखुवासभा र भोजपुरबाट मानिसहरु एक्स्पो अवलोकन एवम् व्यापार गर्न आउने अपेक्षा गरेका छौं’उनले भने, ‘एक्स्पोले धरानको सुस्ताएको बजारलाई सक्रिय बनाएर व्यापार तथा व्यवसायिक क्षेत्रको पुनरुत्थानमा टेवा पुर्याउने विश्वास लिएका छौँ श्रेष्ठले भने ।

स्टलले आ-आफ्नो उत्पादन र सेवा ब्रिकि, प्रदर्शनी एवम् प्रवर्द्धन गर्ने धरान एक्स्पो २०८१ का संयोजक गोपाल श्रेष्ठले बताए ।
उनका अनुसार नेपाल, भारत, पाकिस्तान लगायतका राष्ट्रहरूबाट गरि एक्स्पोमा एक सय ४२ स्टलले आ-आफ्नो उत्पादन र सेवा ब्रिकि, प्रदर्शनी एवम् प्रवर्द्धन गर्नेछन् । एक्स्पोमा दैनिक २० हजार अवलोकनकर्ताहरूले अवलोकन गर्ने र एक्स्पो अवधिभर १० करोड बढीको व्यापार हुने आयोजकले अनुमान गरेको छ । साङ्गीतिक तथा मनोरञ्जनात्मक कार्यक्रमबाहेक एक्स्पो अवधिभर ‘स्वरोजगार तालिम’ र ‘पर्यटन गोष्ठी’ पनि आयोजना गरिने आयोजकले बताएको छ । एक्स्पोमा बाल उद्यान, मनोरञ्जनका लागि रेटेपिङ, नाउ लगायत खेल सामग्री सञ्चालन गरिएको छ भने हरेक साँझ राष्ट्रिय, स्थानीय कलाकार र समूहले प्रस्तुति दिनेछन् ।