अनिस्चितकाल प्रदर्शन स्थगित भएको ‘बुलाकी’ को ट्रेलर रिलिज, श्रावण ३२ बाट पुन रिलिज

गत २०८० बैशाख १ गतेबाट रिलिजमा आएको चलचित्र ‘बुलाकी’ का निर्माताले आफ्नो चलचित्र माथि शो दिनमा भेदभाव भएको भन्दै हलबाट फिर्ता लिएका थिए । चलचित्र लगभग अनिस्चितकाल सम्मको लागी प्रदर्शन स्थगित भएको थियो । प्रदर्शनको दोस्रो दिनबाटै देशभरका मल्टीप्लेक्सहरुमा ७० प्रतिशत शोज कटौती गरिएको, कुबेला (अफटाइम) शोज दिइएको, मोफसलका मुख्य स्टेशनमा एउटै शो नदिएको आदि कारण देखाउँदै निर्माता टोपेन्द्र विष्टले फिल्म उतार्ने घोषणा गरेका थिए । प्रदर्शन स्थगित भएको ‘बुलाकी’ यही श्रावण ३२ गतेको लागे प्रदर्शन मिती तोकेर प्रदर्शनको तयारीमा रहेको छ ।

चलचित्र को अर्को ट्रेलर पुन रिलिज गरिएको छ । यस अघी मुभी डट कम युट्युब च्यानलमा रिलिज गरिएको ट्रेलर यसपटक भने गरिमा फिल्म्सको अफिसियल च्यानल मार्फत रिलिज गरिएको छ । रिलिज ट्रेलरमा सन्तान नहुँदा श्रीमान श्रीमती र परिवारमा आएको टकराव अनी सन्तान नहुँदाको पिडा र श्रीमान नहुँदा पर पुरुष सँगको प्रेम र सासुले बचन लगाउदा बुहारीको बहकिएको मनलाई सम्हाल्न नसकेर रत्ने सँग टाप कसेकी हिराको कहानी गज्जब छ ।

सिनेमा ‘बुलाकी’मा कर्णालीको ग्रामीण जीवन, रितिरिवाज, जारी प्रथा तथा परिवार र सम्बन्धमा आउने आरोह अबरोहलाई प्रस्तुत गरिएको छ । रमेश बुढाथोकी, लक्ष्मी गिरी, कुलदीप अधिकारी, सुशील पोखरेल, झलनाथ खत्री, धनवहादर राई, लक्ष्मण देवकोटा, बसन्त उदास, सोनु सेढाइका अलवा प्रकाश कँडेल र सरस्वती खत्रीले ‘बुलाकी’बाट नेपाली सिनेमा क्षेत्रमा डेव्यु गर्दैछन् ।छत्रेश्वरी म्यानेजमेन्टको ब्यानरमा स्व.मोति बिष्टको प्रस्तुति रहेको सिनेमा शिब ढकालले खिचेका हुन् । अर्जुन जिसीले सम्पादन गरेको सिनेमामा राज बहादुर सानेको कथा, राजबहादुर साने, निर्मल पौडेल र निर्देशक सुनार तथा अभिनेता बिष्ट पटकथा तथा संवाद रहेको छ ।लक्ष्मण सुनारको निर्देशन रहेको सिनेमाको छायांकन डोल्पा, जाजारकोट र रुकुम पश्चिमका रमणीय स्थानमा खिचिएका छ ।