भोलीबाट प्रदर्शनमा आउन लागेको चलचित्र फर्की फर्की लाई २ सय शोज

पछील्लो समय निकै प्रतिक्षित बन्दै गएको चलचित्र फर्की फर्की भोली जेठ १० गतेबाट प्रदर्शनमा आउँदैछ । एक पछी अर्को रेकर्ड बनाउदै आएको फर्की फर्कीले देसभरका सिनेमा घरहरुमा करिव २ सय शोज पाएको छ । वम्पर ओपनिङ गर्ने संकेत दिएको फर्की फर्कीले सुरुवातमा कस्तो व्यपार गर्ला हेर्न बाकी छ । भोली छुट्टीको दिन पहिलो दिन र शुक्रबार र शनिबारले फिल्मको ब्यापार निर्धारणा गर्नेछ । अनमोल केसीको स्टारडमको चर्चा सधैं हुने गर्दछ । यसैले, अनमोलको स्टारडमको मापन समेत यो फिल्मले गर्नेछ । विशेष शोमा समेत फिल्म हेरेका केही फिल्मीकर्मीहरुले यसको खुलेरै तारिफ गरेका छन् । तर, फिल्मको समीक्षाको पर्खाइमा दर्शक रहेको पाइन्छ । फिल्मको औषत बुकिङले पनि यही कुरा बताउँछ ।

सर्वाधिक महङ्गो रकम लिएर फिल्म साइन गर्दै आएका मेगास्टार अनामोल केसी प्राय सिनेमा प्रचारमा खासै देखिदैनन । तर भोली १० गते प्रदर्शनमा आउन लागेको प्रतिक्षित चलचित्र ‘फर्की फर्की’ को प्रचारप्रसारमा भने अनमोल दिलोज्यानले लागेका छन । प्रेस मीटमा पनि कमै देखिने गरेका अनमोल फर्की फर्की का लागी भने प्रेस मीट अन्तर्वाता लगयत प्रचार प्रसारमा जहाँ पनि पुग्ने गरेका छन । उनी यतिबेला फिल्म ‘फर्की फर्की’ को प्रमोसनमा व्यस्त छन् । दर्शकमाझ रोमान्टिक हिरोको छवि बनाएका अनमोल त्यही छविलाई लिएर दर्शकमाझ आउँदैछन् । अनमोल ‘फर्की फर्की’ प्रति आशावादी छन् । झण्डै एक वर्षपछि दर्शकमाझ आउन लागेका उनी दर्शकको माया पाउनेमा आफू विश्वस्त छन् । सुयोग गुरुङको लेखन तथा निर्देशनमा तयार भएको यो फिल्ममा रोहित अधिकारी र ओम प्रकाश अग्रवालको लगानी छ ।

फिल्ममा मनोज ओली र रामु न्यौपाने सह–निर्माता हुन भने मोती कार्की र अनीरुद्र गिरी कार्यकारी निर्माता हुन ।शनिबार सार्वजनिक गीतको शिर्ष गीतमा अभिनेता अनमोल केसी र अभिनेत्री जसिता गुरुङलाई रोमान्टिक अवतारमा प्रस्तुत गरिएको छ । उनीहरुको केमेष्ट्री गजब छ । नरेन्द्र मैनालीको छायांकन, सुरेन्द्र पौडेलको सम्पादन, रोमन बज्रचार्य र नरेन लिम्बूको संगीत तथा अष्ट महर्जनको द्वन्द्व निर्देशन र शंकर पाण्डे प्रोडक्सन म्यानेजर हुन ।