‘डिग्री माइला’ को टिम दर्शक भेटन पूर्व निस्कियो , यस्तो छ हल भिजिट तालिका

सफलताका साथ प्रदर्शनरत चलचित्र ‘डिग्री माइला’ मुख्य कलाकारहरुको टिम यतिबेला दर्शकहरुलाई भेट्न हल भिजीट गरिरहेको छ । काठमाण्डौका बिभिन्न सिनेमा हलहरुमा दर्शकहरु संग भेटघाट गर्न दौड्धुप गरिरहेको मुख्य कलाकारहरुको टिम बैशाख ४ र ५ गते भने पूर्वका बिभिन्न सिनेमा हलहरुमा दर्शकहरुलाई भेट्न निस्केको छ । कलाकारहरु डयाहाङ् राई , आचल शर्मा , बिजय बराल र कार्यकारी निर्माता मणिराम पोखरेल टिममा रहेका छन । कोशी प्रदेशको राजाधानी बिराटनगरबाट सुरु हुने हल भिजिट बिर्तामोड पुगेर टुङगिने फिल्मका कार्यकारी निर्माता मणिराम पोखरेलले जानकारी दिए । पोखरेलका अनुसार टिम मङगलबार बिहान १० बजे बिराटनगर स्थित QFX सिनेमा हलमा पुगेर प्रेस भेटघाट तथा ११:३० को शो मा फिल्म हेर्न आएका दर्शकहरु सँग भेटेर , बिराटनगरका बिभिन्न सिनेमा हलमा पुग्ने छ । सोही दिन बिराटनगर सकेर टिम इटहरीका दुई वटा सिनेमा हलहरु इलाइट सिनेमा हल र इटहरी QFX मा पुग्ने छ र साझ ५ बजे धरान स्थित फ्रेण्ड्स सिनेमाज मा गएर भिजिट सकिने छ । दोस्रो दिन बैशाख ५ गते बुधवार बिहान ११ बजे टिम दमक स्थित डि म्याक्स सिनेमा हल र दिउसो २ बजे बिर्तामोड QFX र ५ बजे पाथिभरा सिनेप्लाजामा जाने पोखरेलले जानकारी दिए ।

वक्सअफिसमा ‘डिग्री माइला’ले आक्रमक व्यापार गरेको छ । वितरकका अनुसार दुई दिनमा ३ करोड ६ लाख कमाइ गरेको सिनेमाको कमाइ रिलिजको तेश्रो दिनमा झण्डै ४ करोडको निकट पुगेको छ । तेश्रो दिनमा सिनेमाले सोचे अनुसारको व्यापार गरेको जानकारी वितरक गोविन्द शाहीले दिएका छन् । उनले तेश्रो दिनको व्यापारिक रिपोट र दर्शकको प्रतिक्रियाले सिनेमाले वक्सअफिसमा राम्रो व्यापार गर्नेमा आफूहरु ढुक्क भएको बताए ।सिनेमाप्रति दर्शकको यो क्रेजको प्रत्यक्ष अनुभव र प्रतिक्रिया लिन ‘डिग्री माइला’ टिम हलहलमा पुगिरहेको छ । उनीहरु हलहलमा पुग्दा दर्शकहरुले हुटिङ गरेर हौसला प्रदान गरिरहेका छन् । सिनेमा हेरेका दर्शकले सिनेमाको विषय, कलाकारको अभिनय आफूहरुलाई मनपरेको प्रतिक्रिया दिएका छन्। बाँसुरी फिल्मस्ले कबड्डी फिल्मस् तथा सुस्मा फिल्मस्सँग मिलेर निर्माण गरेको सिनेमाका निर्माताहरु विशाल गुरुङ, मणिराम पोखरेल, मधु मिजार तथा सुष्मा गुरुङ रहेका छन् । सिनेमाका कार्यकारी निर्माता क्रिश लामा हुन् । सिनेमामा निमेष श्रेष्ठको सम्पादन तथा रोहित शाक्यको ब्याकग्राउण्ड म्यूजिक रहेको छ । यस्तै सिनेमालाई दुई क्यामराम्यान शिवराम श्रेष्ठ तथा राइली एस शिनले खिचेका छन् ।