चलचित्र पत्रकार संघ कोसीले ‘सिने समस्या र समाधान’ विषयक अन्तर्कृया कार्यक्रम गर्ने

चलचित्र पत्रकार संघ नेपाल कोशी प्रदेश शाखाले कोशी प्रदेशका कलाकारहरुको ‘सिने समस्या र समाधान’ विषयक अन्तक्रिया कार्यक्रम गर्ने भएको छ । यही बैशाख ३ गते विश्व कला दिवसको अवसर पारेर प्रदेशका चलचित्रकर्मीहरु संग अन्तर्कृया कार्यक्रम गर्न लागिएको कोशी शाखाका अध्यक्ष सन्जु राईले जानकारी दिएकी छिन । अन्तर्कृया कार्यक्रममा कोशी प्रदेशका चलचित्रकर्मी तथा संगीतकर्मीहरुको समस्या र समाधानको बाटो यहीँका चलचित्रकर्मी, हल व्यवसायी र संगीतकर्मी माझको छलफलबाट खोज्ने प्रयास स्वरुप यो कार्यक्रमको आयोजना गर्न लागिएको चलचित्र पत्रकार संघ नेपाल कोशी प्रदेश शाखाका सचीव सुवास संकल्प श्रेष्ठले जानकारी दिए । अन्तर्कृया कार्यक्रमका लागी कोशी प्रदेशमा रहेर पछील्लो समय एक पछी अर्को हिट फिल्ममा व्यस्त वरिष्ठ कलाकार निर्देशक प्रेम सुब्बा , हल व्यायसायी कुबेर शर्मा, फिल्म निर्देशक केशब रायमाझी र गायक तथा कलाकार श्रीकृष्ण लुइँटेल रहेका छन् ।

अतिथी वक्ताहरुले आ आफ्नो क्षेत्रका समस्या र समाधानका बिषयमा छलफल गर्ने सचिव श्रेष्ठले जानकारी दिए । छलफलमा आफ्नो आफ्नो क्षेत्रमा के कस्तो समस्या छ भन्ने बारेमा कुरा साझेदार गर्ने तालिका तय भएको चलचित्र अध्यक्ष राईले बताइन् ।सेसनको टिप्पणीकर्ताको रुपमा फिल्म निर्देशक तथा नेपाल पत्रकार महासंघका केन्द्रिय सदस्य भीषण राई रहेका छन् भने अन्तर्कृयाको सहजकर्ता आयोजक संस्थाका सचीव सुवास संकल्प श्रेष्ठले गर्नेछन् ।

कोशी प्रदेश भरिका कलाकारहरूलाई समेट्ने गरि यतिबेला तयारी भैरहेको छ । बिराटनगर महानगरपालिकाका नगरप्रमुख नागेश कोइराला प्रमुख अतिथी रहने कार्यक्रम बिराटनगरको पुष्पलाल चोकमा अवस्थित ताण्डब रेस्ट्रो एण्ड क्याफेमा बिहान ११ बजेदेखी सुरु हुने छ । अन्तक्रिया कार्यक्रमसंगै नयाँ वर्षको शुभकामना आदानप्रदान कार्यक्रम पनि रहनेछ । यो कार्यक्रमको सहयोगीको रुपमा फिल्म बलिदान, घरज्वाईं, अञ्जीला, सुगुप, पुजार सार्की रहेको छ भने सौन्दर्य प्रतियोगिता फेस अफ नेपाल, रिजन होटल एण्ड म्युजिक क्याफे, वाई वाई नुडल्स र टेलिफिल्म बाहुनी कान्छी पनि यो कार्यक्रमको सहयोगीको रुपमा रहेको सचिव श्रेष्ठले जानकारी दिए ।