१३ देखी १८ बर्षसम्मका बालबालिकाका लागि मेरो कथा मेरो चलचित्र कार्यशाला इटहरीमा

चलचित्र विकास बोर्डले कोशी प्रदेशका १४ जिल्लाका १३ बर्षदेखी १८ बर्षसम्मका बालबालिकाहरुको लागी ५ दिने ‘मेरो कथा मेरो चलचित्र’ सिर्जनात्मक कार्यशाला आयोजना गर्ने भएको छ । । झापा,मोरङ,सुनसरी, ईलाम, पाचथर, ताप्लेजुङ, तेह्रथुम, धनकुटा, संखुवासभा, भोजपुर, खोटाङ ओखलढुङगा, सोलुखुम्बु उदयपुर लगायत जिल्लाका १५ जना बालबालिकाकाहरुको लागी कार्यशालामा आयोजना गर्न लागिएको कार्यशाला संयोजक, चलचित्र बिकास बोर्ड सदस्य एवं प्रवक्ता केएल बुढाथोकीले जानकारी दिए । कार्यशालामा सिर्जनात्मक लेखन कथा वाचन,पाठ्यकथालाई दृश्य कथामा रुपान्तरण, छायांकन, सम्पादन, अभिनय लगायत चलचित्र निर्माणसम्बन्धि सैद्धान्तिक एवम् प्रयोगात्मक ज्ञान सीपका साथै बालअधिकार, मिडिया साक्षरता, नेतृत्व कलाबारे प्रशिक्षण दिइने बुढाथोकीले जानकारी गराए । प्रशिक्षण समाप्त पछी, प्रशिक्षार्थीहरुले नमूना चलचित्रहरु निर्माण तथा प्रदर्शन समेत गर्नुपर्ने छ ।

संयोजक बुढाथोकीका अनुसार चलचित्र बोर्डको स्थापनाकालमा बालबालिकाका लागि पहिलोपटक आयोजना गरिएको यो कार्यशाला निकै उपलब्धीमूलक हुनेमा आफु बिश्वस्त रहेको संयोजक बुढाथोकीले बताए । उनका अनुसार इटहरीमा यही नयाँ बर्ष २०८१ को पहिलो हप्ता बैशाख ३ गतेदेखी ७ गते सम्म ५ दिन सम्म चल्ने छ । उक्त्त कार्यशालालाई सफल बनाउन नेपाल चलचित्रकर्मी महासंघ कोशी प्रदेश र चलचित्र पत्रकार संघ सुनसरीपनी खटिरहेको छ । नेपाली चलचित्रको विकास¸विस्तार र प्रवर्द्धन¸चलचित्र साक्षरता अभिवृद्धि¸ दक्ष चलचित्रकर्मी उत्पादन एवं बालबालिकालाई आफ्ना कथा भन्ने र हेर्ने वातावरण तयार गर्नका लागि नेपाल सरकारको अनुदान तथा चलचित्र विकास बोर्डको चालू आ.व. २०८०/०८१ को स्वीकृत वार्षिक कार्यक्रम अनुसार कोशी प्रदेशको सुनसरी जिल्लाको ईटहरीमा हुने भएको हो । कार्यशालामा कोशी प्रदेशको विभिन्न विद्यालय/बाल क्लब /बाल समुदायबाट समावेशी प्रतिनिधित्व हुने गरी भैरहेको छ ।

” मेरो कथा मेरो चलचित्र ” बाल चलचित्र निर्माण प्रशिक्षण कार्यशाला आयोजना गर्न लागिएको हुँदा कार्यशाला सञ्चालन गर्न लागिएको हुँदा सहभागी हुन ईच्छुक १३ देखि माथि १८ वर्ष मूनिका बाल बालिकाहरूले बोर्डबाट उपलब्ध गराईएको फारम भरी यो सूचना प्रकाशित भएको मितिले ७ दिनभित्र बोर्डको कार्यालय वा इमेल मार्फत् यसै सूचनालाई आधार मानी अनलाईन वा प्रत्यक्ष आवेदन पेश गर्नहुन सम्बन्धित सबैका लागि यो सूचना प्रकाशित गरिएको छ। आवेदन फारम बोर्डको वेवसाईटबाट डाउनलोड गरी ई-मेल ठेगाना fdbworkshop2024@gmail.com मा पठाउन सकिनेछ।पहिलो दर्ताहुन आएका निवेदनहरूलाई पहिलो प्राथमिकता दिईनेछ। कार्यशालामा बढीमा १५ जनालाई सहभागिता गराईनेछ।थप जानकारीका लागि बोर्डमा सम्पर्क गर्न सकिने भएको छ । यस अघी बोर्डले पहिलो पटक लुम्बिनी प्रदेशको शीतगंगा नगरपालिका ८ सातमारा र अर्घाखाँचीमा ५ दिने ‘मेरो कथा मेरो चलचित्र’ सिर्जनात्मक कार्यशाला सम्पन्न गरिसकेको छ .