‘उपहार’ को शिर्षगीतमा कलाकारहरुको रुवावासी , हेर्नुस् तपाईं पनि रुनुहुन्छ

चर्चित नायिका रेखा थापाको प्रस्तुती रहेको चलचित्र ‘उपहार’ को तेस्रो गीत शिर्ष गीत रिलिज भएको छ । फिल्मको शिर्षक सँग मिल्ने शिर्ष गीत आज रिलिज भएको हो । गीत बढो मार्मिक बनेकोछ । गीत फिल्मको अन्तिम क्लाइमेक्समा बज्ने प्रस्ट हुन्छ । गीतमा फिल्मका मुख्य पात्रहरुको रुवावासी छ् । गीतले फिल्म कथासार बोलेकोछ । कलाकारहरु रेखा थापा, पूजा शर्मा, मुकुन भुसाल, बेनिशा हमाल,तेज गिरी, समर्पणजंग कार्कीलाई प्रस्तुत गरिएको छ । गीत हेर्दा फिल्मले सामाजिक कथा बस्तुलाई प्रस्तुत गरेकोछ । प्रमोद ढुङ्गानाको शब्द, अर्जुन पोखरेलको संगीत रहेको गीतमा रबिन्द्र शर्माको आवाज रहेकोछ । हारेको छैन बोलको गीत आज ओएसआर डिजिटलको अफिसियल युट्युब च्यानलबाट रिलिज गरिएको हो ।

अभिनेत्री थापाका श्रीमान् बलराम शाही ठकुरी कार्यकारी निर्माता रहेको सिनेमाका निर्माता सुलभ प्रतिक र समीक्षा देउजा हुन् । रेखा फिल्मस् र कपनगढी फिल्मस्को ब्यानरमा निर्माण भएको सिनेमामा विष्णु कल्पित घिमिरेको छायांकन, अर्जुन पोखरेल र बाबुल गिरीको संगीत, मित्र डि गुरुङको सम्पादन, सुलक्षण भारतीको कथा, भारतीका साथै अभिमन्यू निरवी र माधव शर्माको पटकथा तथा संवाद, अनुपम गौतमको भीएफएक्स र रोशन श्रेष्ठको द्वन्द्व निर्देशन छ । करण श्रेष्ठको रिच इनटरटेनमेन्टले काठमाडौं र एफडी कम्पनीले मोफसलमा वितरण गर्ने सिनेमामा संगीतकार अर्जुन पोखरेलको पनि संगीत रहेको छ ।’उपहार’ जर्नी अफ लाइफ हरेक दर्शकहरुको सुन्दर उपहार बनेको निर्माण टीमको दावी छ ।ज्ञानेन्द्र देउजाको निर्देशनमा निर्माण भएको ‘उपहार’मा मुकुन भुषाल, तेज गिरी, समर्पणजंग कार्की शिशिर राणा, सुष्मा कार्की, अंशु महर्जन, आशा भुुषाललगायतको पनि अभिनय छ । फिल्म यही फागुन २५ गतेबाट देशभर प्रदर्शनमा आउँदैछ ।