‘लिलामे माइला’ को बिशेष प्रदर्शन बिराटनगरमा पनि हुने

निर्देशक तथा निर्माता भिम लामाको निर्देशन रहेको चलचित्र ‘लीलामे माइला’ को बिशेष प्रदर्शन बिराटनगरमा पनि हुने भएकोछ । यस अघी ट्रेलर रिलिज भएसङै चर्चा पाएको ‘लीलामे माइला’ को बिशेष प्रदर्शन धरान, इटहरी लगायतमा भैसकेकोछ । धरान र इटहरीको बिशेष प्रदर्शन पछी दर्शकहरुको राम्रो प्रतिकृया पाएर उत्साहित भएको निर्माण टिमले बिराटनगरमा पनि बिशेष प्रदर्शन गर्न लागेको फिल्मका निर्देशक भिम लामाले जानकारी दिए । लामाका अनुसार बिराटनगरमा यही पौष १५ गते हिमालय टाकिजमा दिउँसो १२ बजेको शो हुँदैछ । बिराटनगरको बिशेष प्रदर्शनको आयोजना गर्ने जिम्मा नेपाल तामाङ घेदुङ नगर समिति बिराटनगर र नेपाल तामाङ संरक्षक समिति बिराटनगरले लिएको निर्देशक लामाले जानकारी दिए ।

भिम लामा फिल्मको ब्यानरमा निर्माण भएको ‘लीलामे माइला’ एक सामाजिक कथा बस्तुमा निर्माण भएको छ । तीन जातीबिचको प्रेम कथा लाई निर्देशक लामाले गज्जवले प्रस्तुत गरेका छन । फिल्ममा तामाङ, लिम्बु र आर्यन जाती बिचको प्रेम कथा प्रस्तुत गरिएको देखिन्छ । अन्तर्जातिय प्रेम कथा विवाह र जाती अनुसारको रित माग गरिएको कथालाई समेटिएको फिल्मले गाउ घरको वास्तविक कथालाई राम्रो सँग प्रस्तुत गरेको छ । निर्देशक लामाले यस अघी माटो , गोल ,नासो , तमाङ फिल्म रिमठिम , लिम्बु फिल्म तुम्दुङ ,बिभिन्न नाटकमा अभिनय तथा लेखन निर्देशन गरिसकेकाछन ।

धरान र इटहरी लगायतको दर्शकहरुको मन जितिसकेको ‘लीलामे माइला’ ले बिराटनगरका दर्शकको मन जित्ने पक्का छ ।निर्मात्री दिलु सुब्बाले निर्माण गरेको फिल्मको कार्यकारी निर्माता , दामोदर सापकोटा , सहनिर्माता कमला राई रहेको फिल्ममा प्रभाकर न्यौपानेको कथा लेखन रहेको छ भने पटकथा तथा सम्वाद राज थापा काउचाको रहेको छ । दामोदर सापकोटा , चन्दा लिम्बू,सुर्य लिम्बु, कमान सिंह राई, रोशन बि सि , दिलु सुब्बा ,गङ्गा कुवर, मान्सिङ तामाङ ,उदय सुब्बा ,सुजेन्द्र गोले तामाङ ,मङ्गलसिङ तामाङ , साजन लिम्बू , प्रेमिका लामा, टि एस योन्जन, मुकुन्द बस्नेत, राजेन्द्र तामाङ , जानुका श्रेष्ठ ,कहरसिङ मगर,कृष्ण कला राई, बुद्धिमान तामाङ लगायतका कलाकारहरुको अभिनय रहेको छ ।