१० बर्षे जनयुद्दलाई इङगित गर्ने ‘बलिदान’ को प्री-टिजर

चर्चित चलचित्र निर्माता, निर्देशक तथा कलाकार सन्तोष सेनको निर्देशन रहेको ड्रीम प्रोजेक्ट चलचित्र ‘बलिदान’ को प्री – टिजर सार्वजनिक भएको छ । केही महिना अघी ७ ओटा गाडी जलाएर ‘बलिदान’ को टिजर छायांकन गरिएको थियो । सार्वजनिक टिजरमा न्यारेटरले बोलेको डायलग सुन्ने हो भने प्रस्ट हुन्छ कि ‘बलिदान’ १० बर्षे माओवादी जनयुद्दलाई इङगित गरिएको छ। डायलगमा उल्लेख गरिएकोछ ‘“परिवर्तन र पहिचानको नाममा आम नागरिकले मात्र आफ्नो बली दिएका हुन् ; ” न परिवर्तन भयो नत कहिँ हाम्रो पहिचान स्थापित भयो.. !!”किन कि माओवादीले १० बर्षे जनयुद्दमा उठाएका मुद्दाहरु यिनै थिए परिवर्तन र पहिचान । माओवादीलेनै चितवनको मादरमुडेमा एम्बुस थापी बस दुर्घटना गराएको थियो, सोही दुर्घटनामा धेरै सर्वसाधारण जनताको ज्यान गएको थियो, सोही दृश्यलाई ‘बलिदान’ को टिजरले झल्को दिन्छ । यसबाट पनि अनुमान लगाउन सकिन्छ कि ‘बलिदान’ जनयुद्दबाट प्रभावित पक्कै छ । निर्देशक सन्तोष सेनले सामाजिक संजालमा प्रस्ट भनेकाछन , “समाजको कुरुपता बदल्ने हाम्रो मिसन लिएर मैदानमा होमिएका छौ |यो चरणमा हामीले उठाउन खोजेको मुद्दा अनि त्यस मुद्दाको प्रस्तुति स्केल कस्तो रहन्छ भन्ने हो- तीन चरणमा | सुटिंगमा हुनेछौ |हिजो देशको सौन्दर्यता लिएर विश्व यात्रामा थियौं ।अब देशको मुद्दा कलामा चित्रण गर्दै, सत्य देखाउने पागलपन लिएर विश्व यात्रामा हुनेछौं ।” सेनले ‘बलिदान’ देश भित्रको सत्यतालाई देखाउने प्रण गरेकाछन ।

सुपर हिट चलचित्र हरु चंखे संखे पंखे, प्रेमगीत ,प्रेमगीत -२, मेरी मामु, प्रेम गीत -३ चलचित्रहरु निर्माण गरिसकेको आसुसेन फिल्म्सको ब्यानरमा निर्माण हुन लागेको मेघा प्रोजेक्ट”बलिदान” लाई लिइएको छ । आसुसेन प्राली तथा सन्तोष सेनको प्रस्तुती रहने यस चलचित्रमा निर्देशकको जिम्मेबारी निर्माता/ निर्देशक सन्तोष सेनलाई , निर्माताको रुपमा पवन ब्राडफोर्ड बिष्ट तथा लेखकको भूमिकामा त्रिविका प्रोफ़ेसर , लेखक एवम् साधक दर्शन जी, स्क्रिप्ट डक्टरको रुपमा मनोज पण्डित, कार्यकारी निर्माता तर्फ चक्र ब. चन्द र प्रेम पुरी रहनेछन । प्रेम गीत सिरिजको तेस्रो संस्करण सम्म हिट भएको र प्रेम गीत -४ को निर्माणगर्ने सबैको अडकल बाजी भएपनी सेनले अब प्रेम गीत -४ निर्माण थाती राख्दै ‘बलिदान’ निर्माण गर्ने घोषणा गरेका हुन । ‘बलिदान’को छायांकन भने तिहारपछि हुने सेनले जानकारी दिए । सोसियो-पोलिटिकल ड्रामा जनरामा राखिएको फिल्मले राजनीतिक र सामाजिक परिवर्तनका लागि प्राण उत्सर्ग गर्ने नागरिकको संघर्षको कथा पेश गर्ने र मधेश आन्दोलनको एक महत्वपूर्ण घटनामा आधारित रहेर बनाउन लागिएको सेनले बताए ।