चर्चित व्यानर बासुरी फिल्म्स प्रोडक्सनको ब्यानरमा निर्माण हुन लागेको ‘डिग्री माइला : एमए थर्ड क्लास’को शुभ-मुहूर्त भएको छ । २०७१ सालमा मण्डला थिएटर साथै धरानमा तीनपटकसम्म मञ्चन भएको अभिनेता दयाहाङ राईले निर्देशन गरेकका नाटक ‘डिग्री माइला’ नाटकको आइडियामा केन्द्रित रहेर सिनेमा निर्माण हुन लागेको हो । सिनेमाको छायांकन आगामी शुक्रबार अर्थात् असोज ५ गतेबाट ओखलढुङ्गास्थित रुम्जाटारमा हुनेछ । दोस्रो चरणको छायांकन आगामी मंसिरमा काठमाडौं र ओखलढुङ्गामा हुने निर्माण टिमले जनाएकोछ ।
शैक्षिक बेरोजगारीले युवाहरुमा ल्याएको निराशामा आधारित हुनेछ । नाटक पनि यही विषयमा केन्द्रित थियो । निर्माण सुरु नहुँदै सिनेमाको प्रदर्शन मिति तय भैसकेको छ । आगामी वर्ष २०८१को नयाँ वर्षलाई सिनेमाको प्रदर्शन मिति घोषणा गरिएको छ । सफल निर्देशक राम बाबु गुरुङले निर्देशन गर्ने ‘डिग्री माइला’मा मुख्य कलाकारहरु दयाहाङ राई र आँचल शर्मा, विजय बराल, माओत्से गुरुङलगायतको अभिनय रहनेछ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।