यस बर्षको दसैंमा ‘पशुपति प्रसाद २ : भष्मे डन’

सफल चलचित्र ‘पशुपति प्रशाद को सिक्वेल ‘पशुपति प्रसाद २ : भष्मे डन’ यस बर्षको दसैंमा रिलिज हुने भएको छ। स्टारहरुले भरिएको फिल्मको पोस्टर रिलिज भएको छ । पशुपती प्रशाद कै एक चर्चित पात्र भष्मे डन’ अर्थात बिपिन कार्कीलाई पोस्टरमा प्राथमिकतामा राखिएको छ । बिपिन संगै मुख्य कलाकार स्वस्तिमा खडकाको पनि दुर्गा माताको रुपमा प्रस्तुत गरिएको छ भने विपिन ‘भष्मे डन’को चरित्रमा प्रस्तुत छन्, । पशुपती प्रशादमा हनुमान जि बनेका कलाकार रबिन्द्र सिंह बानियालाई भने पोस्टरमा गम्भीर मुद्रा मा देखिन्छ । यस बाट के प्रस्ट हुन्छ भने सिनेमा बिपिन कार्की अर्थात भस्मे डनकै वरीपरी घुमेकोछ ।

बडा दशैंको फूलपातीबाट सिनेमा प्रदर्शनमा आउने घोषणा गरिएको छ ।व्यावसायिक तथा समीक्षात्मक रुपमा सफल सिनेमा‘पशुपति प्रसाद’को चरित्र केन्द्रित सिक्वेलको रुपमा विपिन कार्कीले निर्वाह गरेको भष्मे डन मा केन्द्रित रहेर सिनेमा बन्नेछ । लेखक लामिछानेले नाम मात्रको सिक्वेल मात्र नभई अर्थपूर्ण र तर्कपूर्ण सिक्वेल बन्ने बताउँछन् । ७ वर्षको अवधिमा भष्मे डनको जीवनमा आएका विभिन्न उतारचढावलाई सिनेमामा प्रस्तुत गरिने बताइएको छ ।

सिनेमालाई खगेन्द्र लामिछानेले लेखेका हुन् । सिनेमाको निर्माता पनि उनी स्वयं हुन् । निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाज तथा सुभाष भुषालको संगीत रहने सिनेमा टुकी आर्टस्को ब्यानरमा निर्माण हुनेछ । सिनेमामा विपिन कार्की, सौगात मल्ल, स्वस्तिमा खड्का, प्रकाश घिमिरे, रविन्द्र सिंह बानियाँ, मिस्श्री थापा, सजन थापा मगर, दिनेश कोइराला लगायतको मुख्य भूमिका रहेको सिनेमामा निरज कँडेलको डिओपी, कृष्ण थापाको छायांकन, दीर्घ खड्काको सम्पादन, कृष्ण भारद्वाज तथा सुभाष भुषालको संगीत रहने सिनेमा टुकी आर्टस्को ब्यानरमा निर्माण भएको छ ।