‘ऐंचो पैंचो’को ट्रेलरले दर्शकको आशा जगायो

धरान,  २९ श्रावण २०८०

आगामी भाद्र १४ गतेबाट प्रदर्शनको तयारीमा रहेको सिनेमा ‘ऐंचो पैंचो’को ट्रेलरले नेपाली चलचित्र हेर्ने दर्शकहरुको आशा जगाएको छ । सार्वजनिक गरिएको ट्रेलरले फेरी पनि नेपाली राजनीति लाई गज्जबले पर्दामा उतारेको छ । गाउले युवाहरुको राजनीति यात्रा र प्रेमिल सम्बन्धलाई गज्जबले प्रस्तुत गर्न खोजिएको छ । टिजर हेर्दा साउथ इन्डियन फिल्म जस्तो देखिने ‘ऐचो पैचो’ दर्शकले मन पराउने देखिन्छ ।सिनेमाको ट्रेलर रिलिज कार्यक्रममा नेकपा एसका नेता एवंम् पूर्व पर्यटन तथा संस्कृती मन्त्री प्रेम बहादुर आले प्रमुख अतिथिको रुपमा उपस्थित भएका थिए । उनले पछिल्लो समय नेपालमा चलिरहेको राजनितिक अस्थिरतालाई सिनेमाले उठान गरेकाले आफ्नो मन छोएको बताए । सिनेमाको सार्वजनिक ट्रेलर हेर्दा ‘ऐंचो पैंचो’ उत्कृष्ट बनेको महसुस गरेको बताए ।

नेपालमा यस्तो बिषय वस्तुमा अझै धेरै सिनेमा निर्माण हुन जरुरी भएको भन्दै सिनेमा निर्माण अगाडी सिनेमाको कथामा आफुलाई पनि समावेश गरेको भएको थुप्रै नयाँ कुरा सिनेमामा आउन सक्ने बताए । तरपनि सिनेमामा जति आएका छन् यी कुरा मात्रै पनि दर्शकलाई हलसम्म ल्याउन पर्याप्त भएको उनको भनाई छ । उनले भदौं १४ गते आफु परिवार सहित हलमा गएर सिनेमा हेर्न पनि घोषणा गरे ।सिनेमाको ट्रेलर हेर्दा राजनितिले देश र समाजमा पाएको प्रभावलाई नजिक बाट देखाउने प्रयास गरेको बुझ्न सकिन्छ । सिनेमाको सार्वजनिक २ मिनेट ३० सेकेण्ड लामो ट्रेलरमा प्राय सवै कलाकारलाई स्थान दिएको छ । सिनेमाका केही संवादले दर्शकको ध्यान खिच्न सक्ने देखिन्छ । सिनेमाका यसअघि सार्वजनिक टिजर र गीतले दर्शकको राम्रो साथ पाएकाले पनि ट्रेलरले अझै धेरै दर्शकलाई हलसम्म तान्ने विश्वास निर्देशक कृषा चौलागाईको छ ।

पूर्वी नेपालमा रमणीय स्थानमा खिएको सिनेमामा स्वस्तिमा खड्का, मुकुन भुषाल, बर्षा राउत, सुशिल सिटौला, कोशिस क्षेत्री, रमेश बुढाथोकी, राजाराम पौडेल, बुद्धि तामाङ, रविन्द्र झा, सरिता गिरी, विशाल पहारी लगायतका कलाकारको अभिनय रहेको छ । सिनेमाको बिहीबार सार्वजनिक गीतमा एलेक्स बिक पारस विशेष भुमिका देखिएका छन् ।केपी फिल्मस को ब्यानरमा निर्माण भएको ‘ऐचो पैचो’ अभिमन्यु निरवीको लेखन, कृषा चौलागाइको कम्व्याक निर्देशन हो । उनको महत्वपूर्ण कम्व्याकले दर्शकको मन जित्ने पक्का छ । फिल्ममा मुकुन भुसाल , स्वस्तिमा खड्का, बर्षा राउत, सुशील सिटौला, कोशीस छेत्री, राजाराम पौडेल, बुद्धी तमाङ, सरिता गिरी, बिशाल पहरी, रमेश बुढाथोकी, रबिन्द्र झा,सुमन मोते लगायतको अभिनय रहेकोछ । फिल्म लाई चर्चित छायाकार पुरुषोत्तम प्रधानले खिचेका छन भने बिपिन मल्ल र भुपेन्द्र अधिकारीले सम्पादन गरेका छन । प्रितम लामिछाने र आध्या लामिछाने फिल्म का निर्माता हुने भने बिशाल चौलागाई सह निर्माता हुन ।