बिपी प्रतिष्ठानको आन्दोलन टुङगियो,अब सम्पूर्ण सेवा सुचारु हुने

२७ दिनदेखि भैरहेको बिपी कोइराला स्वास्थ्य विज्ञान प्रतिष्ठान धरानका डाक्टर, शिक्षक तथा कर्मचारीको आन्दोलन टुङ्गिएको छ । शिक्षक, कर्मचारीहरुको माग सम्बोधन भएपछि आन्दोलन स्थगित गरेर काममा फर्किएका छन् । कार्यकारिणी समिति शुक्रबार बसेको बैठकले अवरुद्ध भएको बढुवा प्रक्रिया सुचारु गर्न अन्तर्वार्ताको तालिका प्रकाशन गर्ने निर्णय गरेपछि शनिबार व्यवस्थापन पक्ष र आन्दोलनरत शिक्षक, कर्मचारीबीच सहमति भएको हो । सहमति भएसँगै शिक्षक कल्याण समाज र कर्मचारी कल्याण समाजले करिब एक महिना लामो आन्दोलन स्थगित गरेर काममा फर्किएको जानकारी दिएको छ ।

सहमतिसँगै आइतबारदेखि उपचार र पढाई सुचारु हुने भएको छ । विद्यार्थीहरुले पनि विगत ९ दिनदेखि जारी राखेको रिले अनसन अन्त्य गरेका छन् ।प्रतिष्ठानका चार जना पदाधिकारी र शिक्षक कल्याण समाज, कर्मचारी कल्याण समाज, विद्यार्थी कल्याण समाजका प्रतिनिधिबीच शनिबार लिखित सहमति भएको थियो । उक्त सहमतिमा अवरुद्ध भएको अन्तर्वार्ता फागुन ६ गतेबाट शुरु गरेर तालिका वमोजिम सम्पन्न गर्ने र अन्तर्वार्ता सकिएको एक साताभित्र नतिजा प्रकाशित गर्ने उल्लेख छ ।यसैगरि, आन्दोलनमा सहभागी शिक्षक, कर्मचारीहरुप्रति प्रतिष्ठान व्यवस्थापनबाट पुर्वग्रह राखेर कुनै पनि कारबाही नगर्ने, नगराउने र भविष्यमा कुनै प्रकारको कानुनी झमेला आइपरेमा प्रतिष्ठानले आवश्यक साथ सहयोग गर्ने पनि सहमति भएको छ ।

सहमतीका बुदाहरु निम्न रहेकाछन ।
१. निति २०७९/०९/२० तथा २०७१/१०/२५ मा प्रतिष्ठानद्वारा प्रकाशित विज्ञापन बमोजिम शुरु भई स्थगित रहेको अन्तर्यातां मिति २०८०/११/०६ गतेबाट शुरू गरि संलग्न वानिकस यमोजिम सम्पन्न गर्ने । सो को नतिजा अन्तर्वार्ता समाप्त भएको मितिले १ हप्ताभित्र प्रकाशित गर्ने ।

२. भद्र अवज्ञामा सहभागी रहेका शिक्षक तया कर्मचारीहरू प्रति प्रतिष्ठान व्यवत्त्यापन पक्षबाट पूर्वाग्रह राखि कुनै पनि प्रकारको कारवाहि नगर्ने/नगराउने ।

३. भद्र अवज्ञामा सहभागी रहेका शिक्षक तथा कर्मचारीहरू उपर भविष्यमा कुनै प्रकारको कानुनि नैझमेला आईपरेमा प्रतिष्ठानले आवश्यक साम सहयोग गर्ने ।

४. वर्तमान परिस्थितिका कारण विद्यार्थिहरूको पठनपाठनमा परेको असरलाई गम्भिरतापूर्वक मनन् गर्दै तत्कालै पठनपाठन सुचारू गर्ने र त्यसवाट भएको क्षतिलाई आपसी समझदारीमा न्यूनिकरण गरिने । साथै भविष्यमा पठनपाठनको कार्यमा असर पुग्नेगरि कुनै गतिविधि नगर्न नगराउन सबै सरोकारवाला पक्ष प्रतिवद रहने ।

• ५. शिक्षक तथा कर्मचारीहरुको जारी भद्र अपना आजकै मितिबाट स्थगित गरि आ-आफ्‌नो नियमित कार्यमा संलग्न हुने ।

६. विद्यार्थिहरूको जारी रिले अनसन तथा सम्पूर्ण आन्दोलनका कार्यक्रमहरू आजैका मितिदेखि अन्त्य गरि नियमित पठनपाठनमा सहभागि हुने ।