धरानमा वैशाख ३१ गते पहिलो पटक डेङ्गीको बिरामी फेला परे संगै हालसम्म डेङ्गुका बिरामीहरु तिव्र रुपमा बढीरहेका छन । बुधबार सम्मको तथ्याङकलाई हेर्ने हो भने, ४४२ जना ज्वरो आएर स्वास्थ्य परीक्षणमा आएका मध्ये १७६ जनामा डेङ्गीको सङ्क्रमण देखिएको बीपी कोइराला स्वास्थ्य विज्ञान प्रतिष्ठानका सहायक निर्देशक डा. विकास शाहले जानकारी दिए । धरानमा डेङ्गु नियन्त्रणका लागी फगिङ गर्ने , जनचेतना फैलाउने र ठाँउठाँउमा लामखुट्टे मार्ने औषधी छर्ने काम भएको छ तर घरघरमा गएर लामखुट्टेको अण्डा, लार्भा र प्युपा नष्ट नगरुन्जेल डेङ्गीको सङ्क्रमण नरोकिने र्यापिड रेस्पोन्स फर डेङ्गी आउटब्रेक कन्ट्रोल कमिटी’ का सदस्य महेश्वर राईले बताए । घरघरमा गएर लामखुट्टेको अण्डा, लार्भा र प्युपा नष्ट गर्नकै लागी हरेक वडाका टोल बिकास संस्थाका अध्यक्षहरु सँग आज धरान उपमहानगरपालिकामा छलफल गरी अध्यक्ष हरुलाइ अभिमुखिकरण तालिम दिइएको स्वास्थ्य कार्यलय सुनसरीका प्रमुख सागर प्रसाइले जानकारी दिए ।
अभिमुखिकरण तालिममा धरान उपमहानगरपालिकाका प्रमुख हर्कराज राई (हर्क साम्पाङ) , फर्मड टिम , स्वास्थ्य कार्यलय टीम , बीपी कोइराला स्वास्थ्य विज्ञान प्रतिष्ठानका टिम, स्वास्थ्य कार्यालय सुनसरीका प्रमुख सागर प्रसाई र स्वास्थ्य महासाखाको टिमको उपस्थित रहेको महाशाखा प्रमुख उमेश मेहताले जानकारी दिए । मेहताका अनुसार अब यि सबै टिमले डेङ्गु रोग नियन्त्रण गर्न प्रभावकारी रुपमा खोज र नस्ट कार्यक्रम लाई अगाडि बढाउने प्रतिवद्दत्ता जनाएका छन । हरेक चौक र टोलमा टोल बिकास संस्थाको महत्वपूर्ण भूमिका हुने भएकाले TLO अध्यक्षहरुसँगको सहकार्यमा डेङ्गु नियन्त्रणको लागी अगाडी बढ्नु पर्ने भएकाले आज धरान उपमहानगरपालिकाको प्राङ्गणमा अध्यक्षहर सँग छलफल गरिएको मेहताको भनाइ छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।