गत श्रावण १४ गतेबाट धरानका १० राजनीतिक दलहरुको नेतृत्वमा चर्किरहेको खानेपानी महशुल वृद्धि विरुद्दको आन्दोलन सकिएको छ । वृद्धि भएको महशुल घटाऊन राजनीतिक दलहरुले बिभिन्न चरणको आन्दोलन गरेका थिए । ज्ञापन पत्र बुझाउने देखी ताला लगाउने र नगरपालिकाको गेटमा धर्ना दिदै चर्को दवाव दिएपछी खानेपानी व्यवस्थापन बोर्डका अध्यक्षसमेत रहेका मेयर हर्कराज राई (साम्पाङ) महशुल वृद्धिको निर्णयबाट आइतबार पछि हटेका हुन । नगरपालिकाको गेटमा आजबिहान ११ वजेदेखी धर्ना दिएपछी मेयर साम्पाङले दलहरुलाई वार्ताको लागी पत्र काटेर करिब ६ घण्टाको लामो छलफल पछी तीन बुदे सहमती गर्दै आन्दोलन टुङगिएको हो । धरान खानेपानी महशुल वृद्धि विरुद्ध आन्दोलन टोली र मेयर साम्पाङ विच ३ बुदेँ सहमति , १. वृद्धि महशुल तथा शुल्क स्थगित गर्ने २.बाेर्डकाे पुर्णता बारे- अदालतकाे फैसला मान्ने र ३. ७ दिन भित्र बाेर्डकाे हिसाब सार्वजनिक गर्ने सहमति भएको छ ।
सहमतिको निर्णयमा नगरप्रमुख साम्पाङ, उपप्रमुख आइन्द्र विक्रम बेघा कांग्रेसका सभापति श्याम पोख्रेल, एमालेका अध्यक्ष हर्कजंग एभेङ, नेकपा माओवादी इञ्चार्ज चोत्लुङ, जसपा उपाध्यक्ष सुमन चेम्जोङ, नेकपा एसका अध्यक्ष रेवतीरमण राई, राष्ट्रिय स्वतन्त्र पार्टीका प्रतिनिधि ठाकुर बहादुर कार्की, राप्रपा प्रतिनिधि विनोद कोइराला, नागरिक उन्मुक्ति पार्टीका केन्द्रीय सहसचिव अमर इजम, संघीय लिम्बुवान मञ्चका अध्यक्ष मोहन तिगेला, राष्ट्रिय साझा पार्टीका केन्द्रीय अध्यक्ष भुपी कोयुले हस्ताक्षर गरेका छन् ।सहमति पछि आन्दोलनरत पक्षलाई संक्षिप्त सम्बोधन गर्दै मेयर साम्पाङले ऋणको दायित्व भएकोले महशुल वृद्धि गर्नुपरेको तर्क दोहोर्याउदै राजनीतिक दलहरुको असन्तुष्टी आएपछि वार्ताबाट सहमति गरेको बताए । उनले धरान र जनताको हितमा नै सहमति भएको पनि बताएका । उनले राजनीति दलहरुले जनताकै कुरा उठान गरेको कारण सहम्ती सहमती जनाएर फिर्ता लिएको बताए । धरानको खानेपानी समस्यालाई दिर्घकालिन रुपमा सम्बोधन गर्न सप्तकोशी लगायतबाट पानी ल्याउन सबैले उतिकै भूमिका खेल्न दलहरुलाई आग्रह समेत गरे ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।