‘रावायण’ पढन अनुरोध गरिएको भजन गीत सार्वजनिक (भिडियो सहित)

अडियो को सम्पूर्ण काम भारतको मुम्बईमा गरिएको भारतीय संगीतकारले संगीत गरेको, भारतीय गायक ले गाएको नेपाली चलचित्र ‘राबायण’ मा सवाबेश रहेको भजन गीत सार्वजनिक भएको छ । डाक्टर कृष्ण हरी बरालले लेखेको चलचित्रको शिर्ष गीतको सबै शब्दले ‘हिन्दू धार्मिक ग्रन्थ रावायणको व्याख्य गर्दै पढ्न हेर्न अनुरोध गरेको छ । चकलेटी नायकको छबी बनाएका पल शाह र अभिनेत्री पुजा शर्माको मुख्य भुमिका रहेको चलचित्र रावायणको यो पहिलो गीत हो । मंगलबार सार्वजनिक शिर्ष गीतमा पल र पुजासँगै निर्देशक सुदर्शन थापा पनि देखिएका छन । गीतमा रेवन आरती सिंहको संगीत , डाक्टर कृष्ण हरि बरालको शब्द रचना र नाकाश अजिजको स्वर छ । भजन गीतलाई विक्रम स्वारले गज्जबले कोरियोग्राफी गरेका छन । उनको यो कोरियोग्राफी हेर्दा लाग्छ दक्षिण भारतीय चलचित्र हो , कोरियोग्राफी तारिफ योग्य छ ।

सुदर्शन थापा प्रोडक्शन र पुजा शर्मा प्रोडक्शनको व्यानरमा बनेको चलचित्रको निर्माता पुजा शर्मा हुन् । सुशन पाठक कार्यकारी निर्माता रहेको सिनेमाका निर्देशक सुदर्शन थापा हुन् । सिनेमामा पल शाह, पुजा शर्मा, प्रियंका कार्की, प्रमोद अग्रहरी, निकीता चण्डक, प्रकाश शाह, कैलाश रावल, अर्जुनजंग शाही, शर्मिला मल्ल, प्रदिप ढकाल लगायतको अभिनय छ । ‘राबायण’ सुदर्शन थापाको कथा, शिवम अधिकारीको लेखन, सौरभ लामाको छायांकन, मिलन श्रेष्ठको सम्पादन, प्रमोद श्रीनिवासनको साउण्ड डिजाइन, निरज सिंह, रेवन आरती सिंहको संगीत, विक्रम स्वार र रामजी लामिछानेको कोरियोग्राफी, श्री श्रेष्ठको एक्सन, समीर मियाँको भीएफएक्स, विजय बस्यालको पोस्टर डिजाइन, नविन पुरीको प्रोडक्सन डिजाइन रहेको छ । चलचित्र यही भदौ २१ गते प्रदर्शनमा आउँदै छ ।