प्रदेश १ का मुख्यमन्त्री हिक्मतकुमार कार्कीले पुस २९ गते विश्वासको मत लिने भएका छन् । मुख्यमन्त्री कार्कीले विश्वासको मत लिनेबारेको पत्र प्रदेशसभा सचिवालयमा मंगलबार दर्ता गराउनु भएको छ । प्रदेशसभा सचिव गोपालप्रसाद पराजुलीले मुख्यमन्त्री कार्कीले पुस २९ गते प्रदेशसभामा विश्वासको मत लिने पत्र दर्ता गराएको जनाउनु भयो । त्यसका लागि प्रदेशसभा सचिवालय तयारी अवस्थामा रहेको बताउनु भयो । संविधानको धारा १६८ को उपधारा (४) मा उपधारा (२) बमोजिम दुई वा दुईभन्दा बढी दलको समर्थनमा मुख्यमन्त्री नियुक्त भएका प्रदेशसभा सदस्यले मुख्यमन्त्रीमा नियुक्त भएको मितिले ३० दिनभित्र प्रदेशसभाबाट विश्वासको मत लिनुपर्ने व्यवस्था छ । झापा ५(१) बाट दोस्रो पटक प्रदेशसभा सदस्यमा निर्वाचित मुख्यमन्त्री कार्की एमालेको ४०, माओवादी केन्द्रका १३, राप्रपाका ६ र जनता समाजवादी पार्टीका १ गरी ६० प्रदेश सांसदको समर्थनमा आइतबार मुख्यमन्त्रीमा नियुक्त भएर सोमबार पद तथा गोपनीयताको सपथ लिएका छन् ।
सत्ता साझेदार दल माओवादी केन्द्रले केन्द्रीय शीर्षनेताहरूको निर्णयलाई चुनौती दिँदै प्रदेश सरकारको नेतृत्वमा आलोपालो हुनुपर्ने भन्दै सरकारमा तत्काल सहभागी नहुने अडानबीच मुख्यमन्त्री कार्कीले विश्वासको मत लिन लागेका हुन् । सपथ ग्रहणकै क्रममा एमाले, रा.प्र.पा र जसपाबाट एक एक जनालाई आफ्नो मन्त्रिमन्डलमा समाबेश गरी मुख्यमन्त्री कार्किले प्रदेश सभामा बहुमत सुनिस्चित गरी सकेका छन ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।