१२ बर्षपछी ‘मिस्टर कोशी – २०७९’ हुने

पुर्वान्चलको कोशी अञ्चलमा निकै चर्चित शारिरिक शु गठन प्रतियोगीता १२ बर्षपछी पुन हुने भएकोछ । यसअघि २०६५, २०६६ र २०६७ सालमा मिस्टर कोशीको आयोजना भएको थियो । ०६५ र ०६६ मा उर्लाबारीका विकास धिमाल विजेता भएका थिए भने २०६७ मा धरानका मिलन चाम्लिङले उपाधि जिते पस्चात मिस्टर धरान भएपनी मिस्टर कोशी स्थगीत भएको थियो । आज धरानमा पत्रकार सम्मेलनको आयोजना गरी आयोजक एलाइनेट जिमले मिस्टर कोशी पुन हुने जानकारी गराएकोहो । प्रतियोगिता अगामी चैत्र ३ र ४ गते आयोजना हुने एलाइनेट जिमका अध्यक्ष लिम्बुले जानकारी दिए ।

प्रतियोगितामा साविकको कोशी अञ्चलका जिल्लाहरुबाट करिव ५० जना खेलाडीहरु सहभागी हुने आयोजक संस्थाका अध्यक्ष बिक्रम लिम्बुले जानकारी दिए । प्रतियोगिताको विजेताले नगद एक लाख १० हजार पाउनेछन् भने दोस्रोले नगद ५० हजार, तेस्रोले ४० हजार, चौथोले ३० हजार, पाचौले २० हजार र छैठौले १० हजार नगद, ट्रफि, मेडल र पाउने आयोजकले जानाएकोछ । प्रतियोगिता धरान ८ स्थित धरान सभागृहमा हुनेछ । चैत ४ गते फाइनल राउण्डमा एक तौल समुहबाट ६ जना गरि कुल ३६ जना खेलाडी भिड्नेछन् ।