अर्जेन्टिना कतार विश्वकप -२०२२ को फाइनल प्रवेश

अर्जेन्टिना कतारमा जारी कतार विश्वकप -२०२२ को फाइनलमा प्रवेश गरेकोछ । बुधवार बिहान कतारको लुसाइल रंगशालामा भएको पहिलो सेमिफाइनल खेलमा साविक उपबिजेता क्रोयशियालाई ३-० ले पराजित गर्दै अर्जेन्टिनाले फाइनल यात्रा तय गरेको हो । पहिलो हाफमा २-० ले अगाडी रहेको अर्जेन्टिनाले दोस्रो हाफमा १ गोल थपेर ३-० को जित दर्ता गरेको हो । पेनाल्टीमार्फत एक गोल गरेका मेस्सीले थप गोलका लागि फरवार्ड जुलियन अल्भारेजलाई महत्वपूर्ण असिस्ट गरेका थिए । फाइनलमा आइतबार अर्जेन्टिनाले फ्रान्स र मोरोक्कोबीचको विजेतासँग प्रतिस्पर्धा गर्नेछ । फ्रान्स र मोरोक्को फाइनल प्रवेशका लागि बिहीबार राति पौने १ बजे प्रतिस्पर्धा गर्दैछन् ।