क्षेत्र नम्बर १ का जनताले युवा उम्मेदवार खोजेकाछन , मेरो जीत पक्का – मुकेश

सुनसरी क्षेत्र नम्बर १ का लोकतान्त्रिक-वाम गठबन्धनका प्रतिनिधि सभाका साझा उम्मेदवार मुक्साहाङ मेन्याङ्बो मुकेशले सुनसरी क्षेत्र नम्बर एक का जनताले फ्रेश अन टेस अनी युवा उम्मेदवार खोजेको बताएकाछन । धरान स्थित हार्ट एफ एम 87.6 MHz द्वारा प्रशारित चुनाव बिशेष कार्यक्रम राउण्ड टेबलमा बोल्दै उनले यस्तो बताएका हुन । कार्यक्रमका प्रस्तोताको सवालमा उनले आफु २०७० को निर्वाचनमा पराजित भएपनी त्यो विचमा कही कतै बिचलित नभइ यसै क्षेत्रका जनताकै सेवामा निरन्तर लागिरहेको बताएकाछन् । यो दौरानमा जनताको साना भन्दा साना समस्यामा पनि आफु घर घरमा पुगेर सहयोग गरेको बताए । जनताले अबको नेतृत्व अन्टेस्ट् फ्रेश युवाहरु चाहेको बताएकाछन् । यो क्षेत्रमा दिगो बिकास गर्ने युवाहरु खाचो भएकाले पनि अब जनताले आफुलाई जिताएर पठाउनेमा ढुक्क भएको दावी गरेकाछन ।

यो क्षेत्रको जनताको हरेक समस्या आफुले बुझेको दावी गर्दै यो क्षेत्रको जनताले चाहेको जस्तो बिकासप्रेमी उम्मेदवार भएकोले यहाँको जनताले विश्वाशको मत दिनेमा आफु ढुक्क भएको मुकेशको दावी छ । तपाईंलाई किन भोट् दिने भन्ने प्रस्तोताको प्रश्नले उनले , यो क्षेत्रको एक युवा म जनप्रतिनिधी नभएर पनि यो क्षेत्रको लागी बिकासे योजना ल्याइसकेको ले जनप्रतिनिधी भएपछी केन्द्रको बजेट ल्याउन झनै सहज हुने दावी गरे । उनले हाम्रो गठबन्धन निकै बलियो छ, अन्य पार्टी र स्वतन्त्र पार्टीले आफुलाई केही असर नपर्ने भएकोले आफ्नो पक्षमा जनताले फैसला गर्नेमा आफु ढुक्क भएको बताए ।