आज ५ बजेर २४ मिनेटमा सूर्यास्त हुने

आज बेलुकी ५ बजेर २४ मिनेटमा सूर्यास्त हुने समितिका कार्यकारी निर्देशक सूर्यप्रसाद ढुङ्गेलले जानकारी दिनुभएकोछ । आज ग्रस्तास्त खण्डग्रास दिउँसो ४ बजेर ५२ मिनेटमा सूर्यग्रहण लाग्ने भएकाले ग्रहण लागेको ३२ मिनेटपछि सूर्यास्त हुने भएको हो । ग्रहणले बेलुकी पौने सात बजे छोड्नेछ । ३२ मिनेट नेपालबाट ग्रहण देखिने उहाँले बताउनुभयो ।खण्डग्रास सूर्यग्रहण पहाडी र खुल्ला क्षेत्रबाट मात्रै देखिने नेपाल एस्ट्रोनोमिकल सोसाइटीले जनाएको छ ।सम्म परेका भूभागबाट ग्रहण देख्न कठिन हुने सोसाइटीले जनाएको छ ।