खानेपानी व्यवस्थापनबोर्डको फितलो व्यवस्थापनः धरानमा बर्खामा पनि खानेपानीको चरम अभाव

धरान उपमहानगरपालिकामा बर्खायाममा पनि खानेपानीको चरम अभाव भएको छ । खानेपानी स्रोतको अभाव भन्दा पनि व्यवस्थापन प्रणाली फितलो हुँदा खानेपानी चरम भएको हो । धरान १४ का बुद्धिजिवी डा। राजेन्द्र शर्माले खानेपानी अभाव भएको कुरा सामाजिक सञ्जाल फेसबुकमार्फत जानकारी गराएका छन् । उनका अनुसार धारामा खानेपानी नआएको हप्तादिन भयो । डा। शर्माले आफ्नो फेसबुकमा ‘धरान खानेपानी बोर्डका अध्यक्ष धरान फर्केपछि उहाँको ‘भ्या भ्या’ गीत सुनेर मन प्रफुल्ल छ ।

धारामा पानी आउने आशा प्रबल भएको छ ।’ लेखेका छन् । उनले थप लेखेका छन्, ‘धेरैले भन्थे, पानीको स्रोत र मात्राको अभाव होइन, वितरण प्रणालीमा कमी कमजोरी छ । मैले पटक्कै पत्याको थिइन । हाम्रो वडा धरान–१४ मा राहुल श्रेष्ठ भाइ छन् बोर्डको प्लम्बरमा नियुक्त । उनी बसेको टोलमा पानी आउँदै छ भन्ने सुनेर ढुक्क भएको थिएँ कि अब हाम्रो टोलको पालोमा हाम्रातिर पनि पानी आउँछ भनेर, अहँ त्यस्तो भएन ।’ ‘उनलाई फोन गरेर सोध्यो “दिउँसोदेखि मुहान क्षेत्रमा ठुलो पानी परेर पाइप नै पुरिदियो“ भन्छन् ।

फेसबुकमा लेखेका छन् । पानी नआएको भोलि १ हप्ता हुन्छ । यस बिचमा एकदिन राति ९ बजे १५ मिनेट जति दही फिटेको पखाले जस्तो धमिलो पानी’ त आको थियो । धेरैले भनेको नै साँचो रहेछ भन्ने लाग्दैछ । हिजोआज अध्यक्षज्युको “भ्या भ्या’’ गीत रेकर्डिङ्ग भैसक्यो भने हाम्रो पानी तिर ध्यान दिए हुन्थ्यो ।’ व्यङ्ग्यात्मक शैलीले लेखेका छन् । उपप्राध्यापक राजेश विद्रोहीले पनि फेसबुकमा पानी नआएका यसअघि नै लेखेका थिए । डा। शर्माकै पोष्टमा विद्रोहीले ‘उहाँ (अध्यक्ष) अहिले पीडामा हुनुहुन्छ । पीडाबाट मुक्त हुन केही समय लाग्ला । यस्तो कठिन समयमा उहाँलाई साथ दिनु हाम्रो कर्तव्य हो ।’ व्यङ्ग्यात्मक रुपमा लेखेका छन् ।

धरान १६ मा खानेपानी अभाव भएको छ । धरान १६ का सोम प्रतीक्षा साधुटारले ४ दिन देखि खानेपानी नआएको जानकारी गराएका छन् । उनले डा। शर्माको पोष्टमा ‘सर हामो १६ नं वडाको विकास मार्गमा चाहिँ ४ दिन पछि हिजो वेलुकी आयो प्रशस्तै । हामी खुशी छौँ । ।।। गीत चाहिं सुन्न पर्नि भो ।’ लेखेका छन् । त्यसो यी वडाहरु प्रतिनिधिमुलक मात्रै हुन् हाल प्राय वडाहरुमा खानेपानी अभाव देखिएको छ । धरान वडा नं। १५, ७, ८, १७, लगायतका वडाहरुमा पनि पानी नआएका त्यहाँका होटल व्यवसायीहरुले बताएका छन् । एक होटल व्यवसायीले भने, ‘विरोध गरे जस्तो हुन्छ ।

हप्तादिनदेखि पानी आएका छैन । खान खुवाउन पनि गाह्रो परेको छ ।’ उनले थपे, ‘हिउँदा महिनामा स्रोतको अभावले पानी नआएको होला जस्तो लाग्थ्यो । तर, अहिले नआउँदा खानेपानीका कर्मचारीको लापारबाही जस्तो लाग्न थालेको छ ।’ बर्खामा पानी नआउनु भनेको खानेपानी व्यवस्थापन बोर्डले व्यवस्थापन गर्न नसेको अर्का होटल व्यवसायीले बताए । खानेपानी अभाव भएको धरान खानेपानी व्यवस्थापन बोर्डले पनि स्वीकार गरेको छ । धरान खानेपानी व्यवस्थापन बोर्डका अध्यक्ष राजु पोखरेलले निरन्तरको पानी परेकाले समस्या भएको बताए । उनले भने, ‘अभाव भएको हो । दिनै आकाशबाट पानी परेकाले खोलाको पानी धमिलो भयो । हिजो धेरैतिर पठायौ । अब सहज हुन्छ ।’