होली गार्डेन एकेडेमीको बार्षिक कार्यक्रममा बिधार्थीहरुको प्रस्तुतीले मख्ख अभिभावक

धरान-१ स्थित होली गार्डेन एकेडेमीको बार्षिकोत्सब तथा अभिभावक दिवस बुधबार सम्पन्न भएको छ। कार्यक्रममा बिधार्थीहरुले बिभिन्न प्रकारका प्रस्तुतीहरु प्रस्तुत गरेका थिए । बिधार्थीहरुले नेपालको बिभिन्न जातीय, भाषिक , सांस्कृतिक नृत्य, गायन तथा नाटक प्रस्तुत गरेका थिए । कार्यक्रममा बिद्यार्थीहरुले लक्ष्मीप्रसाद देवकोटा द्वारा लिखित चर्चित उपन्यास “मुनामदन”लाई नाटकमार्फत जिवन्त ढङ्गले प्रस्तुत गर्दा अभिभावकहरु मन्त्र मुग्ध भएका थिए । बिधालयको वार्षिक उत्सव संगै अभिभावक दिवस पनि भएकाले अभिभावकहरुको बाक्लो उपस्थिती थियो ।

प्रमुख अतिथि राष्ट्रिय आबिष्कार केन्द्रका संस्थापक डा.महाबिर पुनले पानसमा दीप प्रज्वलन गरी कार्यक्रमको उद्घाटन गर्नु भयो ।कार्यक्रममा पुनले आफुले लेखेको आत्माकथाको पुस्तक बेच्नुको कारण बारे अभिभावकहरुलाई स्पष्ट पार्नु भयो। बिरगंजमा रहेको कृषि औजार कारखानालाई सन्चालनमा ल्याएर औजार बनाई किसानलाई सहुलियतमा बिक्रीवितरण गर्ने प्रमुख अतिथि पुनले बताउनु भयो। आफुले लेखेको आत्माकथाको पुस्तक बिद्यार्थीहरुका लागि समेत प्रेरणादायी रहेकाले पुस्तक किनेर सहयोग गरिदिन पुनले अभिभावकहरुलाई आग्रह गर्नु भयो।

स्कुलका प्रीन्सिपल राजेन्द्र गुरुङ्ले हरेक अतिरिक्त क्रीयाकलापमा बिद्यार्थीहरुलाई सहभागि गराएर नेतृत्व क्षमताको बिकास गर्ने काम गरेको बताउनु भयो। आफु लगायतको सम्पुर्ण टिम बिहान देखि बेलुकासम्म खटेर बिद्यार्थीको भबिष्य राम्रो बनाउन लागि परेको प्रीन्सिपल गुरुङ्ले बताउनु भयो। कार्यक्रमलाई बिधालयका शिक्षक दामोदर अधिकारी र बिद्यार्थीहरुले संचालन गरेका थिए ।