देशीलाइन सडकमा वान वे नियम हटाउन व्यवसायीको माग

धरान -२ स्थित देशिलाइनमा दुई तर्फीनै सवेरए साधन ओहोरदोहोर गराउन भन्दै स्थानिय ब्यबसायीले माग गरेकाछन । यातायात व्यवस्थापन गरी दुर्घटना न्युनिकरण गर्न भानुचोकदेखि पुर्वको सडक देशीलाइनलाई वान वे बनाइएको छ । भानुचोकदेखि पुर्वतर्फ कुनै पनि सवारीसाधन जान निषेध छ । लक्ष्मी सडकबाट सिंहदेवी चोक हुदै चिनिया चोक, माछा भौडी भएर मात्र भानुचोक आउन नियम हुँदा व्यवसायीहरुलाई मार परेको भन्दै व्यवसायीहरुले एकतर्फी नियम हटाइ दुइतर्फी सवारी साधन चलाऊनु पर्ने माग गरेकाछन ।देशीलाइन व्यवसायी समितिले सोमबार मेयर हर्क साम्पाङलाई ज्ञापन पत्र बुझाउदै एकतर्फी बाटोको निर्णय पुनरावलोकन गर्न माग गरेका छन् । एकतर्फी नियम निरन्तर भइरहे व्यापार, व्यवसाय चौपट भएर पलायनको अवस्था सृर्जना हुने भन्दै उनीहरुले एक हप्ताभित्र दुईतर्फी नियम नै कार्यान्वयनमा ल्याउन पनि माग गरेका छन् ।

ज्ञापन पत्र बुझदै मेयर साम्पाङले एकतर्फी निर्णय पुनरावलोकन गरेपनी देशीलाईनमा एकतर्फी भएपछि दुर्घटनामा कमी आएको दावी गर्दै व्यवसायीहरुलाई थोरै मार परेपनी धेरै जनतालाई राहत मिलेको भन्दै मेयर साम्पाङले निर्णय परिवर्तन नहुने बताए । साना गाडीलाई मात्र देशीलाइनमा दुईतर्फी नै आवातजावत गर्न सकिने विकल्प रहेकोले सोही अनुसार निर्णय पुनरावलोकन गर्न माग गरिएको अध्यक्ष गंगाप्रसाद राईले बताए । साम्पाङले एकतर्फी नियमको निर्णय पुनरावलोकन नहुने बताएपछि व्यवसायीहरु असन्तुष्ट भएका छन् । उनीहरुले सुनसरी उद्योग वाणिज्य संघमा पनि ज्ञापन पत्र बुझाउने र निर्णय परिवर्तन नभए सडक बन्द गरेर आन्दोलन गर्ने चेतावनी पनि दिएकाछन ।