‘जनतासँग माओवादी’ अभियानमा धरानमा विविध कार्यक्रम गरियो

सत्तारुढ दल नेकपा माओवादी केन्द्रको ‘जनतासँग माओवादी’ विशेष अभियान आजबाट सुरु भएको छ । ‘घर–घरमा माओवादी, जन–जनमा माओवादी’ मुख्य नारासहित शनिबारबाट सुरु हुने नेपाल कम्युनिस्ट पार्टी (माओवादी केन्द्र) को ‘जनतासँग माओवादी विशेष रूपान्तरण अभियान’ को पहिलो दिन सुनसरीको धरानका २० ओटै वडामा एकसाथ अभियान सुरुभएको छ । अभियानमा केन्द्रीय सदस्य तथा जिल्लाका नेता कार्यकर्ताहरू वडामा भएका कार्यक्रममा सहभागी भएकाछन । अभियान अन्तर्गत धरान  उपमहानगरपालिकामा नेकपा माओवादी केन्द्रका केन्द्रिय सदस्य अजम्बर काम्वाङ , प्रदेश कमीटी सदस्यहरु मदन चुडाल, राजेन्द्र किराती र पुष्प ढुङ्गानाको उपस्थितीमा कार्यक्रम शुभरम्भ भएको नेकपा माओवादी केन्द्र धरान नगर समिती कार्यवाहक सचिव खेम रणपहेलीले जानकारी दिए । नेपाल कम्युनिस्ट पार्टी (माओवादी केन्द्र) को ‘जनतासँग माओवादी विशेष रूपान्तरण अभियान’ को पहिलो उदघाटन कार्यक्रम अन्तर्गत धरानमा बिभिन्न कार्यक्रम सम्पन्न भएको छ । धरानका २० ओटै वडामा बिभिन्न कार्यक्रम गरी अभियान उद्घाटन गरिएको थियो ।माओवादी केन्द्रले बिभिन्न वडामा समिती बनाएर स्थानिय र जिल्ला नेताहरुको उपस्थितीमा कार्यक्रम गरेको रणपहेलीले जानकारी दिए ।

अभियानको पहिलो शुभरम्भको अवसरमा २० ओटै वडामा बिभिन्न कार्यक्रम आयोजना गरेको छ। जस अन्तर्गत वडा नं. ७ मा ‘भुवनराज मोक्तान स्मृति पार्क’ को सरसफाइ,वडा नं. ६ मा डेंगीपीडित बिरामीहरूलाई औषधी वितरण , वडा नं. २ मा घन्टाघरभित्र र बाहिरको परिसरको सरसफाइ, वडा नं. १ मा छाताचौंकदेखि टेलिकमसम्मको सडक सरसफाइ,वडा नं. १६ का दशवटा मुख्यमुख्य चौंकहरूको सरसफाइ, वडा नं. १७ मा रत्नचौंकदेखि चारघरेसम्मको सडक सरसफाइ,वडा नं. १९ मा हरियाली पार्क अघिको नाली र सडकको सरसफाइ,वडा नं. १५ मा बगरकोट टोलको सरसफाइ, वडा नं. २० मा विष्णुपाउ जाने सडकमा गएको पहिरो हटाउने र अम्रिसो रोप्ने, वडा नं. ८ को मुख्य मुख्य ठाउँहरूमा डस्टबिन राख्ने,वडा नं. १२ को चतरालाइनको पानीट्यांकी वरपरको सडकको सरसफाइ, वडा नं. ३ मा बसोबासरत अग्रज कम्युनिस्ट नेताहरूलाई सम्मान गर्ने, वडा नं. ४ मा साराङगाडाँडो छेउछाउको सडक मर्मत र सरसफाइ, वडा नं. ५ को माथिल्लो देउरालीमा फलामे फलैंचाको स्थापना,वडा नं. ११ को कुबिर्ताचौंकमा यात्रु प्रतीक्षालयको शिलान्यास,वडा नं. १३ मा ‘भैपरी आउने कोष स्थापनाको घोषणा’,वडा नं. १४ मा चेतनामूलक साइनबोर्डको स्थापना,वडा नं. १० मा सहिद परिवारहरूसँग भेटघाट,वडा नं. १८ मा चेतनामूलक साइनबोर्डको स्थापना र वडा नं. ९ मा खेलकुद सामाग्री वितरण गरेको छ ।

आजबाट तीन महिना सम्म चल्ने अभियानमा पहिलो दिन धरानमा बिभिन्न कार्यक्रम गरेर शुभरम्भ गरिएको हो । आज कतै सरसफाइ त कतै आर्थिक कोष स्थापना गरेको छ । कार्यक्रममा उपस्थित भएका नेताहरुले “अभियानले नेता कार्यकर्तामा उत्साह ल्याएको दावी गरेका छन । आजको कार्यक्रममा अपेक्षा गरिएभन्दा बढी सङ्ख्यामा जनताको सहभागिता रहेको नगर अध्यक्ष मनोज भट्टराईले जानकारी दिए । अभियानमा हामी जनताको घरमा गएर जनताको समस्या र माओवादी र सरकारप्रतिको बुझाइका बारेमा छलफल र अभियान गर्नेछौँ ।” भट्टराईले बताए । शान्ति प्रक्रियापछि पार्टी पटक पटक सरकारमा गए पनि जनताले चाहेजस्तो परिवर्तनको अनुभूति गर्न नपाएको उल्लेख नेताहरुले अहिलेको सरकार गठन भएपछि जनताको पक्षमा काम हुन थालेकाले त्यसलाई जनताको बीचमा लैजान र जनताको गुनासो सरकारसमक्ष पुर्‍याउन यो अभियान सुरु गरिएको दावी गरेका छन ।