कोशी प्रदेश प्रहरी कार्यालय बिराटनगबाट खटिएको प्रहरी टोलीले छुट्टा छुट्टै मुद्दाका पाँच जना फरार प्रतिबादीहरुलाई पक्राउ गरेको छ । वन पैदावर मुद्दामा सम्मानित सुनसरी जिल्ला अदालतको मिति २०७८|०५|१६ गतेको सजाय निर्धारण फैसला आदेशले जनही २ महिना १० दिन कैद बेरुजु रही फरार रहेका धरान उप-महानगरपालिका-१९ सुनसरीका ४० बर्षीय मिलन राई र ५० बर्षीय भिम प्रताप तामाङ, ज्यान मार्ने उद्योग मुद्दामा सम्मानित सर्वोच्च अदालतको मिति २०७४|०७|२९ गतेको सजाय निर्धारण फैसला आदेशले ४ बर्ष कैद भई फरार रहेका धरान उप-महानगरपालिका-१५ का ४० बर्षीय मणि प्रसाद लिम्बुलाई गाँउघरमा नै लुकिछिपी बसेको अवस्थामा फेला पारी पक्राउ गरेको हो ।
त्यस्तै बहु-विवाह मुद्दामा सम्मानित मोरङ जिल्ला अदालतको मिति २०७९|१२|०८ गतेको सजाय निर्धारण फैसला आदेशले १० महिना २ दिन कैद र ५ हजार रुपैया जरिवाना भएका बिराटनगर महानगरपालिका-११ का ४६ बर्षीय बिर्जु भन्ने बिरजु पासवान, ११ महिना १४ दिन कैद र ५ हजार रुपैया जरिवाना रहि फरार रहेका ३८ बर्षीय अनिता पासवानलाई खोजतलास गर्ने क्रममा गाउँघरमा नै लुकिछिपी बसेको अवस्थामा फेला पारी पक्राउ गरेको हो । पक्राउ परेका उनिहरुलाई कैद भुक्तानको लागि कारागार पठाईएको छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।
