बैतडीमा जिप दुर्घटना , ६ जनाको मृत्यु

बैतडी  पाटन नगरपालिका-८, झौलेक गाउँ जाने बाटो नजिक भिरबाट दुर्घटना भएको जिप करिब पाँचसय मिटर तल भिरमा खस्दा एउटै गाउको ६ जनाको घटनास्थलमा मृत्‍यु भएको छ् । पाँच जना भने हाम फालेर बाँच्न सफल भएका छन्। झुलाघाटबाट बझाङको बागथलातर्फ गइरहेको से १ ज ७६४ नम्बरको भण्डारी ट्राभल्स लेखेको जिप राति ११ :०० बजे दुर्घटना भएको प्रहरीले जनाएको छ । जिपमा चालक अर्जुन बोहरा सहित १२ जना रहेको बताइएको छ । चालक भने सम्पर्कमा छैनन् । झौलेक मोड काटेर खोलाको ठाडो घुम्तीको उकालोमा जिप अगाडि बढ्न नसकेर पछाडि धकेलिएको बताईएको छ।