संसारकाे मुक्तिदाता प्रभु येशु ख्रीष्टकाे शुभजन्माेत्सवकाे उपलक्ष्यमा मनाइने बडा दिन ख्रीष्टमसकाे अवसरमा धरानका इसाईहरुले बिभिन्न कार्यक्रम गरी यस बर्षको ख्रीष्टमस मनाएका छन । रेभ.हिमाल जाेसेफ राईको संयोजनमा धरान ख्रीस्टमस महोत्सव -२०७९ मुल आयोजक समिती गठन गरी बिभिन्न कार्यक्रम आयोजना गरेकोछ । गत मंसिर २४ देखि २८ गतेसम्म एक हप्ता खेलकुद सप्ताहबाट सुरु भएको ख्रीस्टमस कार्यक्रम अन्तर्गत समितीले बिभिन्न कार्यक्रम अन्तर्गत पाष्टर र पत्रकारकाे बिचमा मैत्रीपूर्ण फुटसल खेल, धरान रन संग दाैड, भेट्रान, खुल्ला समूह र महिला फुटसल खेलकाे आयाेजना गरेकाे थियाे त्यसैगरी ब्याडमिन्टन खेलमा युगल भेट्रान,खुल्ला उमेर समूह र महिलाहरु बिच अन्तर मण्डली मैत्रीपूर्ण प्रतियाेगिता गराएकाे थियाे।
मंसिर २९ गते देखी पौष ३ गते सम्म ३ दिन सम्म धरान ख्रीस्टमस महोत्सव -२०७९ , धरान-१५ स्थित चुम्लुङ भवनमा ३ दिन सम्म आयोजना भएको थियो । महाेत्सवमा १२ वटा परम्परागत खाना,नर्सरी, फलफुल स्टल पनि राखिएको थियाे।महाेत्सव मनाउने क्रममै धरानकाे मुख्य बजार भानुचाैकमा खुल्ला सुसमाचारीय सांगीतिक तथा ख्रीष्टमस चियापान समाराेह आयोजना गरियो , जहाँ १ हजार जनालाई चिया तथा बिस्कुट र चकलेट वितरण गरेर शुभकामना आदनप्रदान गरेको थियाे । भानुचौकको कार्यक्रम पछी अहिले धरानका सबै वडाका कार्यालय,प्रहरी कार्यालय लगायतका सरकारी निकायहरुमा ख्रीष्टमस शुभकामना सहित केक र चकलेट वितरणकार्य जारी जारी रहेकोछ ।
यसरी हरेक वडामा स्थानिय वडामा रहेका चर्च मण्डलीहरुले सहकार्य गरिरहेकाछन । यसैक्रमामा बिहीवार धरान उपमहानगरपालिकाका मेयर हर्क साम्पाङ्गको कार्यकक्षमा गएर ख्रीस्टमस केक काटिएकोछ । मेयर सम्पाङ्गकै बाहुलीबाट केक काटेर ख्रीष्टमसकाे अग्रिम शुभकामना आदानप्रदान गरेकाे छ। मेयर साम्पाङले देश विदेशमा रहेका सबै इसाईहरुलाई ख्रीष्टमसकाे शुभकामना दिए । मेयर साम्पाङलाई आयाेजककाे तर्फबाट रेभ.हिमाल जाेसफ राईले मेयर केक खुवाएका थिए । कार्यक्रम अन्तर्गत अब पौष १० गते डिसेम्बर २५ तारिखका दिन धरान भानुचौकमा साँझ दिप प्रज्वलन सहित बजार परिक्रमाका साथ देशकाे निम्ति संयुक्त प्रार्थना गरि समापन गरिने समितिका संयाेजक रेभ.हिमाल जाेसेफ राईले जानकारी दिए ।
