सुपरहिट चलचित्र पुर्ण बहादुरको सारंगी का निर्माता बिनोद पौडेल निर्माण तथा गायक सुशान्त गौतमको डेव्यु निर्देशन रहेको चलचित्र ‘अभिमन्युः च्याप्टर वान’को शीर्षक गीत सार्वजनिक गरिएको छ । नेपाली र हिन्दी भाषामा निर्माण भएको सिनेमा ‘अभिमन्युः च्याप्टर वान’को शीर्षक गीतमा र्यापर भियोमाको शब्द रचना, संगीत तथा स्वर रहेको छ । सार्वजनिक र्याप गीतले पैसाले मान्छेको असली चरित्र उजागर गर्ने सन्देश दिँदै पैसामा माया साटिने र सम्बन्ध टुट्ने यथार्थता प्रस्तुत गरेको छ ।र्यापर भियोमा आफैंले अभिनय समेत गरेको गीतको भिडियोमा सिनेमाका केही महत्त्वपूर्ण दृश्यहरू पनि समावेश छन् । निर्माण पक्षका अनुसार ‘अभिमन्यु’ पैसाको प्रलोभनमा चक्रव्यूहमा फस्ने र त्यहाँबाट मुक्त हुन संघर्ष गर्ने पात्रको कथामा आधारित सिनेमा हो ।
गीतमा चलचित्रका प्रमुख कलकार कामेश्वर चौरासिया महानायक राजेश हमालको मुखौटा लगाएर कार चलाएको देखिन्छ यो दृश्यले दर्शकहरुलाई कौतुहलता जगाएको छ ।पैसा भनेपछि दुई नम्बरी धन्दाबाट आएको होस् वा मेहनतको कमाइ सबैले त्यसमाथि गिद्धे नजर लगाएर गलत कार्यमा पनि साथ दिने मनोविज्ञानलाई निर्देशकले देखाउन खोजेको कुरा सहजै बुझन सकिन्छ । चलचित्रले पैसाको प्रलोभनमा चक्रव्यूहमा फस्ने र त्यहाँबाट उम्किन खोज्ने व्यक्तिको संघर्षको कथा भन्नेछ । पैसाको चक्करमा जेल नेल भोक तिर्खा गर्दै दौडिरहेको कामेश्वरको अर्की कलाकार लक्ष्मी बर्देवा संग बढेको सामिप्यताले सबैलाई प्रेमको मिठो परिभाषा अनि आभाष दिलाउछ ।
सुपरहिट चलचित्र “पूर्ण बहादुरको सारङ्गी” को टिमले निर्माण गरेको चलचित्र ‘अभिमन्यु स् च्याप्टर–१’ को चर्चा निकै छ ।सेभेन सिज सिनेमाको प्रस्तुतिमा बनेको फिल्मले पैसाको प्रलोभनमा फसेर चक्रव्यूहबाट बाहिर निस्कने संघर्षको कथा बोल्छ । सुशान्त गौतमको निर्देशन डेब्यु रहेको यसमा कामेश्वर चौरासिया, सरिता गिरी, गौमाया गुरुङ, लक्ष्मी बर्देबा, शिशिर वाङ्देल, किरण श्रेष्ठ, प्रकाश दाहाल र सुष्मा निरौला मुख्य भूमिकामा छन् ।
मुकेश खनालको लेखनमा बनेको चलचित्रलाईविनोद पौडेल र गुञ्जन गिरीले निर्माण गरेका हुन । सह–निर्मातामा रमेश चौलागाई र हरि श्रेष्ठ, कार्यकारी निर्माता विशाल लामा, हरि मोक्तान, कृष्ण भट्टराई, नीराजन लुइँटेल र सन्देश श्रेष्ठ हुन । ‘अभिमन्यु स् च्याप्टर–१’ भदौ २७ गते नेपालीमा र असोज ६ मा हिन्दी भर्सनमा वर्ल्डवाइड रिलिज हुने तयारी रहेको छ ।
सुनसरीको धरान १५ बाट बिपी फोर इन्टरटेन्मेन्ट प्रा.लि.द्वारा सञ्चालित यस हंगामा खबर ले बिशेषगरी चलचित्र,मनोरंजन, स्थानिय समसामयिक बिषयका खोजमुलक समाचार र अन्तरवार्ता प्राथमिकता दिनेछ ।