धरानमा छायांकन गरिएको ‘द सोल अफ कमाण्डो’ को ट्रेलर रिलिज,

सन् १९८६ मा दक्षिण कोरियामा सम्पन्न दशौँ एशियन खेलकुदमा तेक्वान्दो खेलमा कास्य पदक तथा सन् १९९९ मा नेपालमा भएको आठौँ दक्षिण एशियाली खेलकुदमा स्वर्ण पदक प्राप्त गर्न सफल अन्तरराष्ट्रिय क्षेत्रमा नेपालको नाम उच्च राख्न सफल तेक्वान्दो खेलाडी राजाकुमार राईले अभिनय गरेको सफल चलचित्र ‘कमाण्डो’ को अर्को सिक्वेलको रुपमा ‘द सोल अफ कमाण्डो’ को ट्रेलर रिलिज भएकोछ । यो फिल्म मार्फत राई २४ बर्ष पछी पुन नेपाली चलचित्र क्षेत्रमा कम्ब्याक गरेकाछन ।

मिलन राइको कथा र सनम जेबीआर रानाको स्क्रिप्ट रहेको चलचित्र ’सोल अफ द कमान्डो’ मा शिशिर वाङ्ग्देल,नरेन खड्का,शेषुका राई,मिलन राई,रवि थापा,रुपेश झा,पुष्प श्रेष्ठ,सीमा राई,नरेन्द्र लिम्बु,पूर्ण लिम्बु,कमला खापुङ्ग लिम्बु,सुष्मिता लिम्बु,एन्जल राई,टिका राम ठकुरी,सोनीका राईको पनि मुख्य भूमिका रहेको छ । सिलिचुङ फिल्म प्राइभेट लिमिटेडले निर्माण गरेको चलचित्रको निर्मातामा मिलन राई,रवि थापा र धन लिम्बू रहेकाछन भने युवराज (वीरबहादुर) राईको निर्देशक र कार्यकारी निर्माता विजय एल राई रहेकाछन । धरान , सप्तकोशी नदी भेडेटार आसपासमा खिचिएकोछ । फिल्म यही मंसिर २३ गते देश्भर प्रदर्शनमा आउँदैछ ।

Photo : Surendra Thapa KTm